جموں: کٹھوعہ کے ہیرا نگر اور بسولی علاقوں میں ہونے والی شدید بارش کے بعد برساتی نالوں میں پانی بھر جانے کی وجہ سے ایک اسکول ٹیچر اور ایک طالبہ کے بہہ جانے کی دل دہلا دینے والی ویڈیو سامنے آئی ہے۔ شکر ہے کہ دونوں کی جان بچ گئی لیکن جو ویڈیوز منظر عام پر آئی ہیں اس سے بات صاف ظاہر ہوتی ہے کہ کس طرح سے اسکول ٹیچر اور طالبہ پانی میں پھنسی ہیں۔ پہلا ویڈیو ضلع کٹھوعہ کے پہاڑی علاقے بسولی کے پلاہی کا ہے۔ جہاں اسکول جانے والی ایک ٹیچر نالے کو عبور کرتے ہوئے پانی کے بہاؤ میں بہہ گئی۔ اہل علاقہ کی چوکسی کی وجہ سے اسے بچا لیا گیا۔ جب کہ دوسری ویڈیو کٹھوعہ ضلع کے سرحدی علاقے منیاری کی ہے۔ جہاں ایک اسکول کی طالبہ پانی میں پھنس گئی۔ پولیس اور مقامی لوگوں نے مل کر جے سی بی کی مدد سے ریسکیو آپریشن کر کے طالبہ کی جان بچائی۔
طالبہ کو سیلاب سے نکالنے کے لیے جے سی بی کی مدد لینی پڑی (ETV Bharat Urdu)
یہ بھی پڑھیں: |
