جموں: ہفتہ کو کٹھوعہ ضلع کے کوگ منڈلو گاؤں میں عسکریت پسندوں اور سیکورٹی فورسز کے درمیان تصادم شروع ہوا جس میں ایک سیکورٹی اہلکار ہلاک ہوا ہے جبکہ متعدد زخمی ہیں۔
کٹھوعہ ضلع کے ایک دور افتادہ گاؤں میں سیکورٹی فورسز اور عسکریت پسندوں کے درمیان تصادم کے دوران جموں و کشمیر پولیس کا ایک ہیڈ کانسٹیبل ہلاک اور ایک اسسٹنٹ سب انسپکٹر زخمی ہو گیا اس بات کی جانکاری پولیس نے بیان میں دیا۔
بلور تحصیل کے گاؤں کوگ منڈالی میں تصادم شام 5.30 بجے کے قریب اس وقت شروع ہوا جب ایک گھر کے اندر عسکریت پسندوں کے ایک گروپ کی موجودگی کی اطلاع ملنے پر سیکورٹی فورسز نے مشترکہ محاصرے اور تلاشی کی کارروائی شروع کی۔
اسسٹنٹ ڈائرکٹر جنرل آف پولیس آنند جین نے کہا کہ عسکریت پسندوں کی موجودگی کے بارے میں مخصوص انٹیلی جنس کی بنیاد پر، کوگ (منڈلی) پولس اسٹیشن بلاور کٹھوعہ کے پولیس کے دائرہ اختیار گاؤں میں سیکورٹی فورسز کے ذریعہ مشترکہ تلاشی آپریشن شروع کیا گیا، جہاں کچھ راؤنڈ فائرنگ کی گئی۔ اے ڈی جی پی آنند جین نے کہا کہ دونوں اطراف سے علاقے کو گھیرے میں لے لیا گیا ہے۔
پولیس ذرائع نے بتایا کہ مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے تلاشی ٹیم پر فائرنگ کی، جس سے فائرنگ کا تبادلہ شروع ہوا اور مزید سکیورٹی فورسز بھیجی گئی۔
مزید تفصیلات کا انتظار....
