پلوامہ:مرکز کے زیر انتطام یوٹی جموں و کشمیر کے ضلع پلوامہ کے نیوہ میں منعقدہ بلاک دیوس پروگرام کے دوران اے سی آر شہباز احمد بودا، بی ڈی او نیوہ محمد اکبر اور ضلع پلوامہ کے تمام محکموں کے نمائندے موجود تھے۔تمام افسران نے مقامی باشندوں کے مطالبات کو سنجیدگی سے لیا۔
پروگرام کے انعقاد کا بنیادی مقصد لوگوں کی شکایات اور مطالبات کو سننا۔مقامی باشندوں کی طرف سے پیش کی جانے والی تمام شکایات اور مطالبات کا فوری حل فراہم کرنا ہے۔
اسسٹنٹ کمشنر ریونیو پلوامہ شہباز احمد بودا نے لوگوں کو یقین دہانی کرائی کہ بلاک دیوس پروگرام کے دوران اٹھائے گئے تمام مطالبات اور شکایات کا مقررہ وقت میں ازالہ کیا جائے گا۔
بلاک دیواس پروگرام کے دوران موجود تمام محکموں کے افسران اور نمائندوں نے مرکزی اسپانسر شدہ مختلف اسکیموں کے بارے میں عوام کو معلومات فراہم کیں اور علاقے کے لوگوں کی طرف سے پیش کی جانے والی تمام شکایات اور مطالبات کو نوٹ کیاگیا تاکہ ان کا فوری ازالہ کیا جا سکے۔
یہ بھی پڑھیں:نشہ مکت بھارت ابھیاں کے تحت پلوامہ میں بیداری پروگرام منعقد
علاقے کے مقامی لوگوں نے ڈپٹی کمشنر پلوامہ کا شکریہ ادا کیا کہ انہوں نے لوگوں کی شکایات اور مطالبات ان کی دہلیز پر سننے اور شکایات کا فوری ازالہ کرنے کا اقدام کیا۔
