ترال( پلوامہ): الیکشن کمیشن کی جانب سے ڈی ڈی سی ممبر ترال ڈاکٹر ہربخش سنگھ کو ماڈل کوڈ آف کنڈکٹ کی خلاف ورزی کرنے پر نوٹس جاری بھیج دیا گیا ہے، تاہم آج انہوں نے اس معاملے کو لیکر میڈیا کے سامنے آج صفائی دی ہے۔ انہوں نے کہا کہ وہ کمیشن کی جانب سے جاری کردہ نوٹس کا تحریری جواب دیں گے۔
بیساکھی کے سلسلے میں آج دوسرے روز بھی وادی کے اطراف واکناف میں تقریبات کا سلسلہ جاری رہا۔ اس حوالے سے جنوبی کشمیر کے ترال علاقے میں واقع سیموہ کے گردوارے ٹی بی صاحب میں بھی ایک پُروقار تقریب کا اہتمام کیا گیا۔اس تقریب میں سیموہ اور ترال کے مختلف دیہات سے آئے ہوئے عقیدت مندوں کی ایک بڑی تعداد نے شمولیت کی۔ڈی ڈی سی ممبر ترال و پی ڈی پی ترجمان ڈاکٹر ہربخش سنگھ نے یہاں حاضری دی اور سکھ سنگھت کو مبارکباد پیش کی۔
مزید پڑھیں: جموں و کشمیر میں ماڈل کوڈ آف کنڈکٹ نافذ
الیکشن کمیشن کی جانب سے نوٹس جاری کرنے کے متعلق پوچھے گئے سوال کے جواب میں انہوں نے کہا کہ'یہ سیاسی پارٹیوں کی سازش ہوتی ہے ، ہم کوڈ آف کنڈکٹ کی خلاف ورزی نہیں کی ہے۔ انہوں نے کہا کہ وہ نوٹس کا تحریری جواب دیں گے۔ انہوں نے کہا کہ جہاں میں پارٹی کی طرف سے آتا ہوں وہاں میں پارٹی ترجمان کی بحثیت سے آتا ہوں اور جہاں مجھے کسی ریویو میٹنگ یا انتظامیہ کی کوئی میٹنگ میں شرکت کرنی ہوتی ہے وہاں میں ڈی ڈی سی ممبر کے بطور اپنی خدمات انجام دیتا ہوں۔
