اننت ناگ: جنوبی کشمیر کے اننت ناگ ضلع سے امرناتھ گپھا جانے والے یاتریوں کو سہولیات فراہم کرنے تمام تر تیاریاں مکمل کرنے کی کوشش کی جا رہی ہیں۔ حالانکہ رجسٹریشن کا عمل پہلے ہی شروع ہو چکا ہے جبکہ یاترا کو پرامن ماحول فراہم کرنے کے حوالے سے سیکورٹی اداروں کی جانب سے اہم میٹنگز کا سلسلہ بھی جاری ہے۔
ادھر سیول انتظامیہ کی جانب سے جموں کے ساتھ ساتھ یاتریوں کو سہولیات بہم پہنچانے کی غرض سے وادی کشمیر میں بھی تیاریاں جاری ہیں۔ وہی محکمہ تعمیرات عامہ کی جانب سے یاتریوں کو بنیادی سہولیات پہنچانے کی غرض سے پہلے ہی متحرک ہوا ہے٬ محکمہ کی جانب سے اننت ناگ سے گپھا کے مختلف مقامات پر یاتریوں کی سہولیات کو یقینی بنایا جا رہا ہے۔
واضح رہے کہ امرناتھ گھپا جنوبی کشمیر کے ہمالیہ پہاڑیوں پر سطح سمندر سے 3 ہزار 8 سو 80 میٹر کی بلندی پر واقع ہے۔ اس گپھا کی یاترا ہندو مذہب میں انتہائی اہمیت کی حامل ہے۔ہر سال اس گپھا کی یاترا کے لیے ملک بھر سے ہزاروں کی تعداد میں یاتری آکر اس کے درشن کرتے ہیں۔
یہ بھی پڑھیں:شری امر ناتھ یاترا کے لیے حفاظتی انتظامات کے حوالے سے میٹنگ
یہ بھی پڑھیں: وہی رواں برس سالانہ امرناتھ یاترا 29 جون سے شروع ہونے جارہی ہے، جس کے لئے رجسٹریشن کا عمل شروع ہوگیا ہے۔ اس بار یاترا 50 دنوں پر محیط ہوگی جو 19 اگست کو اِختتام پذیر ہوگی۔
