جموں: پولیس سربراہ آر آر سوین ، جی او سی وائٹ نائٹس کارپس لیفٹیننٹ جنرل نوین سچدیو کی سربراہی میں ایک اعلیٰ سطحی میٹنگ منعقد ہوئی، جس دوران جموں وکشمیر سکیورٹی صورتحال کا جائزہ لیا گیا۔
-
GOC #WhiteKnightCorps Lt Gen Navin Sachdeva and DGP @JmuKmrPolice Shri R R Swain co-chaired a Joint Security Review Meeting at #Poonch to discuss smooth and synergized operations and maintain peace and security in the region, in view of the ongoing situation and upcoming events.… pic.twitter.com/vYnAxpqEwa
— White Knight Corps (@Whiteknight_IA) April 5, 2024
دریں اثنا ذرائع نے بتایا کہ اس غیر معمولی اہمیت کی حامل میٹنگ میں سکیورٹی صورتحال کا جائزہ لینے کے ساتھ ساتھ انسداد دراندازی اور انسداد دہشت گردی گرڈ کو مضبوط کرنے کی خاطر طریقہ کار پر غورو غوض کیا گیا۔میٹنگ کے دوران جموں وکشمیر میں سرگرم عسکریت پسندوں کے خلاف چلائے جارہے آپریشنز کے بارے میں سینئر آفیسران کو جانکاری فراہم کی گئی۔
ذرائع کے مطابق جی او سی اور پولیس سربراہ کو ایل او سی پر فوج کی تعیناتی کے بارے میں بھی جانکاری فراہم کرتے ہوئے بتایا گیا کہ حد متارکہ پر فوج کسی بھی چیلنج کا مقابلہ کرنے کے لئے پوری طرح سے تیار ہے۔ذرائع نے بتایا کہ فوج اور پولیس کے سینئر آفیسران کے مابین ملاقات کے دوران جموں وکشمیر کی مجموعی سیکورٹی صورتحال پربھی تبادلہ خیال ہوا۔
اس اعلیٰ سطحی میٹنگ کے دوران آنے والے پارلیمانی انتخابات کے حوالے سے بھی گفت وشنید ہوئی۔
پولیس سربراہ نے میٹنگ کے دوران آفیسران پر زور دیا کہ لوک سبھا انتخابات کے پیش نظر حساس علاقوں میں سکیورٹی اور انٹیلی جنس گرڈ کو مضبوط مزید بنایا جائے تاکہ ملک دشمن عناصر کے منصوبوں کو ناکام بنایا جاسکے۔
یو این آئی-
مزید پڑھیں: اے ڈی جی پی لا اینڈ آرڈر نے انتخابی تیاریوں کا جائزہ لیا
یاد رہے کہ آج اوڑی کے صابورہ نالے میں ایل او سی پر فوج نے ایک دراندازی کی کوشش کو ناکام بناتے ہوئے دو دراندازوں کو ہلاک کرنے کا دعوی کیا۔ دونوں کی شناخت معلوم کی جا رہی ہے۔ سکیورٹی فورسز نے علاقہ میں پڑے پیمانے پر تلاشی آپریشن شروع کیا۔
