بانڈی پورہ: مرکز کے زیر انتظام یوٹی جموں و کشمیر کے ضلع پانڈی پورہ میں لائن آف کنٹرول کے قریب واقع وادی گریز میں ایک بھورا بھالو کو باڑ میں پھنسا پایا گیا ہے۔مقامی باشندوں نے اس کی اطلاع محکمہ جنگلات کو دی۔محکمہ جنگلات کے اہلکاروں نے بڑی مشقت کے بعد بھورے بھالو کو بچایا۔
وائلڈ لائف رینج آفیسر بانڈی پورہ تنویر احمد نے بتایا کہ ایک بھورا بھالو آج صبح وادی گریز کے داور علاقے میں باڑ(fencing) میں پھنس گیا تھا۔جہاں سے اس کا نکلنا ناممکن تھا۔بھالو دہشت میں تھا۔
یہ بھی پڑھیں:ہمالیائی بھورے بھالو سرینگر کے ریہبلیٹیشن سنٹر میں توجہ کا مرکز
انہوں نے مزید کہاکہ اطلا ع ملتے ہی ہماری ٹیم موقع پر پہنچ کر حالات کا جائزہ لیا۔ہم وہاں بھالو کی جان بچانے کے لئے منصوبہ بنایا۔کیونکہ تھوڑی سی جلد بازی کی وجہ سے بھالو کی جان بھی جا سکتی تھی۔تاروں میں پھنسے بھالو کو نکالنے کے لئے احتیاط کے ساتھ بڑی مشقت کرنی پڑی۔احمد نے بتایا کہ بچائے گئے بھورے بھالو کو جلد ہی محفوظ علاقے میں چھوڑ دیا گیا۔
