دیر البلاح، غزہ کی پٹی: صرف تین ماہ کی ریم ابو حیا اپنے خاندان کی واحد رکن تھی جو پیر کو دیر گئے غزہ کی پٹی میں اسرائیلی فضائی حملے میں زندہ بچ گئی۔ شمال کی طرف چند میل (کلومیٹر) کے فاصلے پر، ایک اور حملے میں محمد ابوالقوماسان نے اپنی بیوی اور اپنے جڑواں بچوں کو کھو دیا، جس کی عمر صرف چار دن تھی۔
![غزہ پر اسرائیلی حملوں میں ہزاروں خاندان ختم ہو گئے](https://etvbharatimages.akamaized.net/etvbharat/prod-images/13-08-2024/22199217_thu1.jpg)
غزہ میں اسرائیلی جارحیت 10 ماہ سے زیادہ عرصہ سے جاری ہے، الگ تھلگ علاقے پر اسرائیل کی مسلسل بمباری نے وسیع خاندانوں کا صفایا کر دیا ہے۔ اس نے والدین کو بغیر بچوں اور بچوں کو والدین کے بغیر تو بھائیوں کو بہنوں اور بہنوں کو بھائیوں کے بغیر کر دیا ہے۔ اور زندہ بچ جانے والوں میں سے کچھ ایسے جوان ہیں کہ ان کے پاس کھوئے ہوئے لوگوں کی کوئی یادگار تک نہیں ہے۔
پیر کو دیر گئے اسرائیلی حملے میں جنوبی شہر خان یونس کے قریب ایک گھر تباہ ہو گیا جس میں 10 افراد ہلاک ہو گئے۔ مرنے والوں میں ایک معصوم ابو حیا کے والدین اور پانچ بہن بھائی شامل ہیں جن کی عمریں 5 سے 12 سال کے درمیان تھیں اور اسی حملے میں ہلاک ہونے والوں میں تین دیگر بچوں کے والدین بھی شامل ہیں۔ حملے میں چاروں بچے زخمی ہوئے ہیں۔
![غزہ پر اسرائیلی حملوں میں ہزاروں خاندان ختم ہو گئے](https://etvbharatimages.akamaized.net/etvbharat/prod-images/13-08-2024/22199217_thu.jpg)
ابو حیا کی خالہ، سعد ابو حیا نے کہا کہ، "اس بچے کے علاوہ کوئی نہیں بچا ہے۔" "آج صبح سے، ہم اسے کچھ کھلانے کی کوشش کر رہے ہیں، لیکن وہ نہیں مانتی، کیونکہ وہ اپنی ماں کے دودھ کی عادی ہے۔"
اس جنگ میں ابوالقوماسن کی بیوی اور نوزائیدہ بچوے ہلاک ہو گئے جس میں ایک لڑکا، اسیر، اور ایک لڑکی، عیسل جڑواں بچے ہیں جن کی نانی بھی ہلاک ہو گئی۔ ابوالقوماسن ایک اسپتال میں بیٹھ کراپنوں کی لاشوں کو خاموشی سے دیکھ رہا تھا، اس نے اپنے ہاتھوں میں جڑواں بچوں کے برتھ سرٹیفکیٹ اٹھا رکھے تھے۔
![غزہ پر اسرائیلی حملوں میں ہزاروں خاندان ختم ہو گئے](https://etvbharatimages.akamaized.net/etvbharat/prod-images/13-08-2024/22199217_thu3.jpg)
ان کی بیوی، جمانہ عرفہ نے چار دن قبل سیزرین سیکشن میں بچوں کو جنم دیا تھا اور فیس بک پر جڑواں بچوں کی آمد کا اعلان کیا تھا۔ منگل کو، وہ مقامی حکومت کے دفتر میں پیدائش کے اندراج کے لیے گئے تھے۔ جب وہ وہاں تھے، پڑوسیوں نے فون کیا کہ ان کے دیر البلاح کے مرکزی شہر کے قریب واقع عارضی گھر پر بمباری کی گئی تھی۔ اس نے کہا کہ مجھے نہیں معلوم کہ کیا ہوا ہے۔ "مجھے بتایا گیا ہے کہ ایک گولہ تھا جو گھر پر لگا۔"
اسرائیلی فوج نے فوری طور پر حملوں پر تبصرہ کرنے سے انکار کر دیا۔ فوج کا کہنا ہے کہ وہ فلسطینی شہریوں کو نقصان پہنچانے سے بچنے کی کوشش کرتی ہے اور ان کی ہلاکتوں کا الزام حماس پر عائد کرتی ہے۔ صیہونی فوج کا دعویٰ ہے کہ عسکریت پسند گھنے رہائشی علاقوں میں کام کرتے ہیں، بعض اوقات گھروں، اسکولوں، مساجد اور دیگر شہری عمارتوں سے حملے کرتے ہیں۔
لیکن فوج انفرادی حملوں پر شاذ و نادر ہی تبصرہ کرتی ہے، جس میں اکثر خواتین اور بچے مارے جاتے ہیں۔ غزہ کی وزارت صحت کا کہنا ہے کہ جنگ کے آغاز سے اب تک تقریباً 40,000 فلسطینی مارے جا چکے ہیں۔
اسرائیل کی جارحیت نے ہزاروں بچوں کو یتیم کر دیا ہے۔ اقوام متحدہ نے فروری میں اندازہ لگایا تھا کہ غزہ میں تقریباً 17,000 بچے اب لاوارث ہیں، اور یہ تعداد بڑھنے کا امکان ہے۔
ابو حیا خاندان ایک ایسے علاقے میں پناہ لئے ہوئے تھا جہاں سے اسرائیل نے حالیہ دنوں میں لوگوں کو انخلاء کا حکم دیا تھا۔ یہ ایسے ہی کئی احکامات میں سے ایک تھا جس کی وجہ سے سیکڑوں ہزاروں افراد کو اسرائیل کے اعلان کردہ انسانی ہمدردی کے زون میں پناہ لینے پر مجبور کیا گیا ہے۔
غزہ کی آبادی کی اکثریت اپنے گھر بار چھوڑ کر بھاگ چکی ہے۔ ساحلی پٹی، جو صرف 25 میل (40 کلومیٹر) لمبی اور تقریباً 7 میل (11 کلومیٹر) چوڑی ہے۔ اس علاقہ کو مئی سے اسرائیلی فورسز نے مکمل طور پر سیل کر دیا ہے۔
اقوام متحدہ کے مطابق، غزہ کا تقریباً 84 فیصد علاقہ اسرائیلی فوج کے انخلاء کے احکامات کے تحت رکھا گیا ہے۔
ابوالقومان اور ان کی اہلیہ نے جنگ کے ابتدائی ہفتوں میں غزہ شہر کو خالی کرنے کے احکامات پر عمل کیا تھا۔ انہوں نے وسطی غزہ میں پناہ مانگی، جیسا کہ فوج نے ہدایت کی تھی۔
یہ بھی پڑھیں: