ممبئی: بالی ووڈ اسٹار سلمان خان ان دنوں اپنے گھر کے باہر فائرنگ معاملے سے سرخیوں میں ہیں۔ تاہم سلمان خان ہاؤس فائرنگ کیس میں مرکزی ملزم سمیت 5 افراد کو گرفتار کر لیا گیا ہے۔ ادھر سلمان اپنی نئی فلم سکندر کے لیے بھی مداحوں کے درمیان سرخیوں میں ہیں۔ سلمان خان نے عید 2024 پر اپنی آنے والی فلم کے نام کا اعلان کیا تھا، جہاں اب اس فلم کی شوٹنگ شروع ہوگئی ہے۔ سکندر کی سیٹ سے ایک تصویر بھی وائرل ہو رہی ہے۔
غور طلب ہو کہ یہ تصویر سمیر نامی ایکس ہینڈل پر شیئر کی گئی ہے۔ وائرل ہونے والی اس تصویر میں سلمان خان بلیک ٹی شرٹ اور بلیو ڈینم میں ایک لڑکی کے ساتھ نظر آ رہے ہیں۔ اس وائرل پوسٹ میں دعویٰ کیا جا رہا ہے کہ یہ تصویر سکندر کے سیٹ کی ہے۔ اس تصویر کے کیپشن میں لکھا ہے، میگا اسٹار سلمان خان سکندر کے سیٹ پر، فلم کی شوٹنگ شروع ہو چکی ہے۔
وہیں ساؤتھ سنیما کی سپرہٹ اداکارہ رشمیکا مندنا کو سلمان خان کی آنے والی فلم 'سکندر' کے لیے منتخب کیا گیا ہے۔ رشمیکا نے سوشل میڈیا پر سلمان خان سمیت فلم میکر کے کریڈٹ کے ساتھ ایک تصویر شیئر کرکے اس کی تصدیق بھی کی ہے۔ اے آر مرگاداس کی ہدایت کاری اور ساجد ناڈیاڈوالا کی پروڈیوس کردہ یہ فلم 2025 کی عید پر سینما گھروں میں ریلیز کی جائے گی۔
واضح رہے کہ رشمیکا سلمان خان کی اگلی فلم 'سکندر' کی کاسٹ میں شامل ہو گئی ہیں۔ 9 مئی کو ناڈیاڈوالا کے پوتے اور وردہ خان ایس ناڈیاڈوالا نے انسٹاگرام پر ایک پوسٹ شیئر کی، جس میں رشمیکا مندنا کو اپنی ٹیم میں شامل کیا اور اداکارہ کو ٹیگ کیا۔ اس پوسٹ کے کیپشن میں انہوں نے لکھا ہے کہ 'سکندر میں سلمان خان کے ساتھ کام کرنے کے لیے رشمیکا مندنا کا خیرمقدم ہے۔ فلم عید 2025 کو اپنے آن اسکرین جادو دکھانے کامنتظر ہے۔'
