ممبئی: منگل (30 جولائی) ملک کے لیے بہت اچھا دن تھا۔ بھارتی نشانے باز منو بھاکر اور سربجوت سنگھ نے پیرس اولمپکس 2024 میں کانسے کا تمغہ جیتا تھا۔ دونوں نے 10 میٹر ایئر پسٹل (مکسڈ ٹیم) مقابلے میں حصہ لیا تھا۔ یہ دونوں اپنی شاندار شوٹنگ سے تمغے جیتنے میں کامیاب رہے۔ اس شاندار جیت کے بعد ملک میں خوشی کا ماحول ہے۔ ان کی جیت پر پورا ملک انہیں مبارکباد دے رہا ہے۔ اس دوران فلم انڈسٹری سے تعلق رکھنے والے لوگوں نے بھی دونوں کھلاڑیوں کی کارکردگی کو سراہا اور انہیں جیت پر مبارکباد دی۔
بالی ووڈ کے پاور پیک جوڑے دیپیکا پڈوکون-رنویر سنگھ، منو بھاکر اور سربجوت سنگھ کو براونز میڈل جیتنے پر مبارکباد دی۔ اس کے لیے جوڑے نے سوشل میڈیا کا سہارا لیا ہے۔ جوڑے نے اپنے آفیشل انسٹاگرام پر منو اور سربجوت کی تصاویر پوسٹ کی ہیں اور انہیں جیت کی مبارکباد دی ہے۔
اجے نے سوشل میڈیا پر بھی پیرس اولمپکس سے منو اور سربجوت کی ایک تصویر شیئر کی اور لکھا، انعام پر نظر' کی اصطلاح کو بالکل نئی سطح پر لے جا رہے ہیں اور ہم کو یہ پسند آرہا ہے۔" امید ہے کہ ہم سربجوت سنگھ کی طرح اور بھی بہت سے تمغے دیکھنے کو ملے گے۔
اس کے علاوہ انیل کپور،سونالی بیندرے، پلکٹ سمراٹ، مہیش بابو، سنیل شیٹی، راکل پریت، آیوشمان کھرانہ، میرا کپور سمیت کئی ستاروں نے شوٹرز کی تعریف کی اور مبارکباد دی ہے۔
مزید پڑھیں:پیرس اولمپکس 2024 میں نیتا امبانی کا ڈانس مہمانوں کے ساتھ بھنگڑا کیا - Nita Ambani dance
منو بھاکر نے خواتین کے 10 میٹر ایئر پسٹل مقابلے میں کانسے کا تمغہ جیتا۔ اس کے بعد اس نے سربجوت کے ساتھ مل کر 10 میٹر ایئر پسٹل (مکسڈ ٹیم) میں حصہ لیا۔ جس میں دونوں کھلاڑیوں نے اپنا بہترین مظاہرہ کیا اور براونز میڈل جیتا۔ پیرس اولمپکس میں ہندوستان کے تمغوں کی تعداد بڑھ کر دو ہوگئی ہے۔
