نئی دہلی: بنگلہ دیش میں شیخ حسینہ واجد حکومت کے خلاف ہوئی بغاوت کے بعد ہندوؤں کے خلاف تشدد کے درمیان کانگریس لیڈر راہل گاندھی نے پروفیسر محمد یونس کو بنگلہ دیش کی عبوری حکومت کے سربراہ کے طور پر حلف اٹھانے پر مبارکباد دیتے ہوئے کہا کہ امن قائم کرنا وقت کی ضرورت ہے۔ اس کے ساتھ ہی پرینکا گاندھی واڈرا نے بنگلہ دیش میں ہندوؤں سمیت اقلیتوں پر حملوں پر اپنا پہلا ردعمل دیا ہے۔
Congratulations to Professor Muhammad Yunus on being sworn in as the head of Bangladesh’s interim government.
— Rahul Gandhi (@RahulGandhi) August 8, 2024
A swift restoration of peace and normalcy is the need of the hour.
پرینکا کو تشویش:
پیر کو پرینکا نے سوشل میڈیا پلیٹ فارم ایکس پر ایک پوسٹ شیئر کرتے ہوئے لکھا کہ، کسی بھی سماج میں مذہب، ذات اور زبان کی بنیاد پر امتیازی سلوک، تشدد اور حملے ناقابل قبول ہیں، انہوں نے امید ظاہر کی کہ بنگلہ دیش میں جلد ہی حالات معمول پر آجائیں گے اور نئی منتخب حکومت ہندو، بودھ، عیسائی مذہب کے پیروکاروں کے تحفظ اور احترام کو یقینی بنائے گی۔
पड़ोसी देश बांग्लादेश में अल्पसंख्यकों पर लगातार हमलों की खबरें विचलित करने वाली हैं। किसी भी सभ्य समाज में धर्म, जाति, भाषा या पहचान के आधार पर भेदभाव, हिंसा और हमले अस्वीकार्य हैं।
— Priyanka Gandhi Vadra (@priyankagandhi) August 12, 2024
हमें उम्मीद है कि बांग्लादेश में जल्द हालात सामान्य होंगे और वहां की नवनिर्वाचित सरकार हिंदू,…
شرد پوار نے کہا، محمد یونس سیکولر لیڈر:
اس سے قبل، نیشنلسٹ کانگریس پارٹی کے سربراہ شرد پوار نے پیر کو محمد یونس کو ایک سیکولر لیڈر قرار دیا اور کہا کہ وہ (محمد یونس) اس بات کو یقینی بنائیں گے کہ دونوں برادریوں کے درمیان کوئی دراڑ نہ ہو۔ وہ کبھی بھی مختلف برادریوں اور مختلف لسانی گروہوں کے درمیان دراڑ پیدا کرنے کا کام نہیں کریں گے۔
پوار نے کہا کہ بنگلہ دیش کے لیے متوازن نقطہ نظر اپنانا ضروری ہے اور ایسا لگتا ہے کہ (وہاں) صورتحال بہتر ہوگی۔ انہوں نے دعویٰ کیا کہ ہندوستانی حکومت بنگلہ دیش میں بھی وہاں کے حالات کو بہتر بنانے میں تعاون کرے گی۔
بنگلہ دیش میں ہندوؤں کے خلاف تشدد:
پانچ اگست کو شیخ حسینہ کی حکومت کو اقتدار سے ہٹائے جانے کے بعد بنگلہ دیش میں مبینہ طور پر ہندوؤں کو تشدد کا سامنا ہے۔ یہی نہیں تشدد میں کئی مندروں کو بھی نشانہ بنانے کی خبر ہے۔
شیخ حسینہ کی اقتدار سے بے دخلی کے بعد 84 سالہ ماہر اقتصادیات محمد یونس نے جمعرات کو بنگلہ دیش کی عبوری حکومت کے چیف ایڈوائزر کے طور پر حلف اٹھایا۔ یہ عہدہ وزیراعظم کے برابر ہے۔
یہ بھی پڑھیں:
