نئی دہلی: ای ڈی نے اوکھلا سے عآپ کے ایم ایل اے امانت اللہ خان کو دہلی سے گرفتار کیا ہے۔ ای ڈی کی ٹیمیں امانت اللہ خان کو ان کی رہائش گاہ سے لے گئی ہیں۔ اس دوران پولیس کی بڑی تعداد یہاں موجود ہے۔ آپ کو بتا دیں کہ ای ڈی آج صبح ایم ایل اے کی رہائش گاہ پر چھاپہ مارنے پہنچی۔ اس چھاپے کی ایم ایل اے کے گھر والوں نے بھی مخالفت کی۔ امانت اللہ خان نے خود ویڈیو جاری کرتے ہوئے کہا کہ ای ڈی کی ٹیمیں مجھے گرفتار کرنے آئی ہیں۔
#WATCH | Delhi: AAP MLA Amanatullah Khan detained by ED officials.
— ANI (@ANI) September 2, 2024
ED had arrived at his residence to conduct a raid, earlier today. pic.twitter.com/lUCufRTGFh
غور طلب ہے کہ انفورسمنٹ ڈائریکٹوریٹ (ای ڈی) نے پیر کی صبح دہلی کے اوکھلا سے عام آدمی پارٹی کے ایم ایل اے امانت اللہ خان کے گھر پر چھاپہ مارا۔ ایم ایل اے امانت اللہ خان نے خود ایکس پر یہ اطلاع دی۔ انہوں نے ایکس پر لکھا کہ ای ڈی کی ٹیم مجھے گرفتار کرنے میرے گھر آئی ہے۔ اس کے بعد انہوں نے ایک ویڈیو پوسٹ کیا اور کہا کہ صبح کے 7 بجے ہیں اور ای ڈی کی ٹیم مجھے گرفتار کرنے میرے گھر آئی ہے۔ انہوں نے کہا کہ میری ساس کو کینسر ہے اور 4 روز قبل ان کا آپریشن ہوا تھا۔
ایم ایل اے امانت اللہ خان نے مزید کہا کہ یہ لوگ مجھے پچھلے دو سالوں سے ہراساں کر رہے ہیں، میں نے ان کے ہر نوٹس کا جواب دیا ہے۔ میرے خلاف جھوٹے مقدمات بنائے جا رہے ہیں۔ مجھے اور میری پارٹی کو ہراساں کیا جا رہا ہے۔ انہوں نے یہ بھی کہا کہ ہم ٹوٹنے والے نہیں ہیں۔ ایم ایل اے امانت اللہ خان نے اوکھلا کے لوگوں کو یقین دلایا ہے کہ ان کا کوئی بھی کام نہیں روکا جائے گا۔
#WATCH | AAP MLA Amanatullah Khan says " it is 7 am right now. ed has come to my residence to arrest me in the name of a search warrant. my mother-in-law has been diagnosed with cancer. she had an operation four days ago. she is also at my house. i have written to them (ed) and i… https://t.co/cbjFYDnRh5 pic.twitter.com/xFrJkN5pol
— ANI (@ANI) September 2, 2024
جانکاری کے مطابق پیر کی صبح ای ڈی کے کئی افسران چھاپہ مارنے کے لیے امان اللہ خان کے گھر پہنچے اور تحقیقات میں مصروف ہیں۔ گزشتہ سال 10 اکتوبر کو بھی ای ڈی نے امانت اللہ خان کے گھر پر چھاپہ مارا تھا اور کئی گھنٹے تک پوچھ گچھ اور تفتیش کی تھی۔ جب ای ڈی نے دوبارہ چھاپہ مارا تو عام آدمی پارٹی کے سینئر لیڈروں نے ایکس پر پوسٹ کیا اسے مودی کی آمریت اور ای ڈی کی غنڈہ گردی قرار دیا۔
اوکھلا سے عام آدمی پارٹی کے ایم ایل اے امانت اللہ خان نے ایکس پر پوسٹ کیا ہے کہ ای ڈی کے لوگ ابھی مجھے گرفتار کرنے کے لیے میرے گھر پہنچے ہیں۔ اہلکار ایم ایل اے امانت اللہ خان سے پوچھ گچھ اور تفتیش میں مصروف ہیں۔ پچھلے سال 10 اکتوبر کو بھی ای ڈی نے ایم ایل اے امانت اللہ خان کے گھر پر چھاپہ مارا تھا، کئی گھنٹوں تک پوچھ تاچھ کی گئی تھی۔
اس دوران امانت اللہ خان نے ای ڈی کے پہنچنے پر مقامی پولیس اور اپنے وکیل کو تحقیقات میں شامل کرنے کے لیے کہا تھا۔ دونوں کے شامل ہونے کی بعد تحقیقات کی گئیں۔ امانت اللہ خان نے کہا تھا کہ جب انہوں نے حکام سے پوچھا کہ وہ کس معاملے کی تحقیقات کر رہے ہیں تو انہیں بتایا گیا کہ سال 2016 میں سی بی آئی نے ایک کیس درج کیا تھا جس کی وہ تحقیقات کرنے آئے تھے۔ امانت اللہ خان نے بتایا تھا کہ جب وہ بورڈ میں تھے تو پرچیزنگ کمیٹی بنائی گئی تھی۔ پرچیز کمیٹی نے 1500 سوٹ خریدے تھے۔ ایک سوٹ کی قیمت 160 روپے تھی جو غریبوں کو دینی تھی۔ جس میں 1400 سوٹ کے حساب ہیں لیکن 100 سوٹ کے لیے نہیں۔
- ایم پی سنجے سنگھ نے لکھا:
ای ڈی کے چھاپے پر عام آدمی پارٹی کے سینئر لیڈر اور راجیہ سبھا ممبر آف پارلیمنٹ سنجے سنگھ نے ایکس پر پوسٹ کیا کہ ای ڈی کی بے رحمی دیکھیں، پہلے امانت اللہ خان ای ڈی کی تحقیقات میں شامل ہوئے، ان سے مزید وقت مانگا، ان کی ساس کو کینسر ہے۔ ان کا آپریشن ہوا ہے لیکن پھر بھی صبح سویرے گھر چھاپہ مارنے پہنچ گیے۔ امانت اللہ خان کے خلاف کوئی ثبوت نہیں لیکن مودی کی آمریت اور ای ڈی کی غنڈہ گردی دونوں جاری ہیں۔ اس کے ساتھ امانت اللہ خان کی ساس کا ایک ویڈیو بھی شیئر کیا گیا ہے جس میں وہ لیٹی ہوئی ہیں اور ای ڈی کے اہلکار دروازے پر کھڑے ہیں۔
- بی جے پی کا جوابی حملہ:
دہلی بی جے پی کے صدر وریندر سچدیوا نے کہا ہے کہ عام آدمی پارٹی کے اندر مجرموں اور بدعنوان لوگوں کا ایک بڑا گروپ ہے اور جب ان کے خلاف کارروائی کی جاتی ہے تو وہ شور مچانے لگتے ہیں۔ آج جب قانون دہلی وقف بورڈ جیسے ادارے میں بدعنوانی اور غبن میں ملوث عام آدمی پارٹی کے لیڈر کے خلاف کارروائی کر رہا ہے، تو وہ شور مچانے لگے ہیں۔
