'సరిహద్దు సవాళ్ల పరిష్కారంలో సైన్యం భేష్​'

పశ్చిమ, తూర్పు సరిహద్దు సవాళ్లపై స్పందించారు భారత సైన్యాధిపతి​ జనరల్​ బిపిన్​ రావత్​. కశ్మీర్​లోని ఉగ్రవాదులు, బోర్డర్​ యాక్షన్​ టీం చర్యల గురించి మాట్లాడారు. ఆర్మీ కమాండర్ల సమావేశంలో ఈ వ్యాఖ్యలు చేశారు. విపత్కర పరిస్థితులను సైన్యం.. వినూత్న పద్ధతిలో ఎదుర్కొంటున్నట్లు వెల్లడించారు.

భారత సైన్యాధిపతి జనరల్​ బిపిన్​ రావత్​ పశ్చిమ, తూర్పు సరిహద్దు వివాదాలపై స్పందించారు. నియంత్రణ రేఖ వెంబడి పాకిస్థాన్​కు చెందిన బోర్డర్ యాక్షన్​ టీం (బీఏటీ), జమ్ముకశ్మీర్​లోని ఉగ్రవాద చర్యల గురించి ప్రస్తావించారు. సైన్యం.. చాలా వినూత్నంగా ఈ విపత్కర పరిస్థితులను ఎదుర్కొంటునట్లు స్పష్టం చేశారు.

దేశం ఎదుర్కొంటున్న ప్రస్తుత భద్రతాపరమైన సమస్యలపై ఈ నెల 14 నుంచి 19 వరకు ఆర్మీ కమాండర్ల సమావేశం నిర్వహిస్తున్నారు. జమ్ముకశ్మీర్​ సహా ఇతరత్రా అంశాల భద్రతపై తీసుకోవాల్సిన వ్యూహాత్మక చర్యల గురించి ఇందులో చర్చిస్తున్నారు. ఈ కార్యక్రమానికి హాజరైన రావత్​... పశ్చిమ, తూర్పు సరిహద్దు సవాళ్ల విషయంలో సైన్యం పోరాటాలను కొనియాడారు.