'అవునా... సీఎం జగన్కు డాక్టరేట్ వచ్చిందా..?'
ముఖ్యమంత్రి డాక్టర్ వై.ఎస్. జగన్మోహన్ రెడ్డికి డాక్టరేట్ ఎప్పుడొచ్చింది..? ఎలా వచ్చింది..? ఎవరిచ్చారు..? ఇది విజయనగరం జిల్లా కలెక్టరేట్ ముందు నుంచి వెళ్లే ప్రతి ఒక్కరి మదిలో మెదిలే సందేహం. కొవిడ్-19(కరోనా) వైరస్ అప్రమత్తతపై జిల్లా వైద్య ఆరోగ్య శాఖ ఏర్పాటు చేసిన బ్యానర్లో "శ్రీ డాక్టర్ వై.ఎస్. జగన్మోహన్ రెడ్డి, ఆంధ్రప్రదేశ్ ముఖ్యమంత్రి" అని రాయించారు. వాస్తవంగా సీఎం జగన్ ఇప్పటి వరకు ఎక్కడా... ఏ విశ్వవిద్యాలయం నుంచి డాక్టరేట్ పొందలేదు. ముఖ్యమంత్రికి సంబంధించి అంతర్జాలంలోని వ్యక్తిగత వివరాల్లోనూ ఇదే విషయం స్పష్టంగా ఉంది. ముఖ్యమంత్రి స్థాయి వ్యక్తి పేరు, హోదా ముద్రించేటప్పుడు అధికారులు ఎంతో జాగ్రత్తగా వ్యవహరించాలి కదా... అని బ్యానర్లో తప్పును గుర్తించినవారు సూచిస్తున్నారు.
