ముమ్మరంగా అభ్యర్థుల ఎన్నికల ప్రచారం

నామినేషన్ల పర్వం ముగింపు దశకు చేరుకోవడంతో.. విజయనగరం జిల్లాలో అన్ని పార్టీల అభ్యర్థులు ప్రచారాన్ని ముమ్మరం చేశారు. ఇంటింటికి తిరుగుతూ తమను గెలిపించాలని అభ్యర్థిస్తున్నారు.

విజయనగరం పార్లమెంట్, శాసనసభ వైఎస్ఆర్ కాంగ్రెస్ పార్టీ అభ్యర్థులు బెల్లాన చంద్రశేఖర్, కోలగట్ల వీరభద్రస్వామి పట్టణంలో విస్తృతంగా ప్రచారం చేపట్టారు. స్థానిక రామాలయంలో పూజలు చేసిన అనంతరం అన్ని వార్డులలో ప్రచారం నిర్వహించారు. పెద్ద ఎత్తున ప్రచారంలో పాల్గొన్న కార్యకర్తలు ఫ్యాన్ గుర్తుకు ఓటేసి... వైకాపా అభ్యర్థులను గెలిపించాలని కోరారు.

ఎస్ కోట నియోజకవర్గ తెదేపా అభ్యర్థి కోళ్ల లలితకుమారి ఎస్.కోట మండలంలోని అన్ని గ్రామాల్లో ప్రచారం నిర్వహించారు. నియోజకవర్గాన్ని అన్ని రకాలుగా అభివృద్ధి చేస్తానని హామీ ఇస్తూ... తెదేపాకు ఓటు వేయాలనిప్రజలను అభ్యర్థించారు.

జనసేన కూటమి తరఫున పోటీ చేస్తున్న సీపీఐ అభ్యర్థి కామేశ్వరరావు ఇంటింటి ప్రచారం నిర్వహించారు. పవన్​కల్యాణ్​ముఖ్యమంత్రి అయితే రాష్ట్రం అభివృద్ధిలో దూసుకెళ్తుందని ఆయన వ్యాఖ్యానించారు.

ఇదీ చదవండి