పర్చూరు స్టేట్​బ్యాంక్ ఏటీయంలో మంటలు

ప్రకాశం జిల్లా పర్చూరులోని స్టేట్​బ్యాంక్ ఏటీయంలో అగ్ని ప్రమాదం జరిగింది. భారీగా మంటలు చెలరేగి, దట్టమైన పొగలు రావటం గమనించి అప్రమత్తమైన స్థానికులు.. అధికారులకు సమాచారం అందించారు. మంటలు ఆర్పే ప్రయత్నం చేశారు.

ప్రకాశం జిల్లా పర్చూరులోని స్టేట్​బ్యాంక్ ఏటీయంలో మంటలు చెలరేగాయి. ఏటీయం గదిలో నుంచి పొగలు రావటాన్ని గమనించిన స్థానికులు.. బ్యాంకు అధికారులకు, అగ్నిమాపక సిబ్బందికి సమాచారం ఇచ్చారు. నీళ్లు చల్లుతూ మంటలు ఆర్పే ప్రయత్నం చేశారు. అప్రమత్తమైన విద్యుత్ శాఖ అధికారులు కరెంట్​ సరఫరా నిలిపివేశారు.

పోలీసులు, బ్యాంక్​ అధికారులు ఘటన స్థలానికి చేరుకుని పరిశీలించారు. షార్ట్ సర్క్యూట్ కారణంగా ప్రమాదం జరిగి ఉండవచ్చని భావిస్తున్నారు. ఏటీయం మిషన్ లోపల ఉన్న నగదు సురక్షితంగానే ఉంటుందని చెప్పారు.

ఇదీ చదవండి: