నెల్లూరు జిల్లా సోమశిల జలాశయంలో ప్రస్తుతం 75 టీఎంసీల నీరు చేరిందని అధికారులు ప్రకటించారు. దీంతో జలాశయం నిండుకుండలా కనిపిస్తోంది. పెన్నా నది ఎగువ ప్రాంతాల నుంచి 30 వేల క్యూసెక్కుల నీరు జలశయంలోకి చేరుతోంది. దిగువ కండలేరు వరద కాలువకు 10వేల 500 క్యూసెక్కులు, పెన్నా నదిలోకి 5500 క్యూసెక్కులు, ఉత్తర కాలువకు 700 క్యూసెక్కులు, దక్షిణ కాలువకు 350 క్యూసెక్కులు నీటిని అధికార్లు విడుదల చేస్తున్నారు. జలాశయం సామర్ధ్యం 78 టీఎంసీలు కాగా..ఈరోజు 11, 12 గేట్ల ద్వారా 10 వేల క్యూసెక్కుల నీటిని తాగు సాగు కోసం కిందకు వదిలారు.ఈ సందర్భంగా అనంతసాగరం, ఆత్మకూరు, చేజర్ల, కలువాయి, సంగం తహసీల్దార్లను జిల్లా కలెక్టర్ అప్రమత్తం చేశారు.
నిండుకుండలా సోమశిల జలాశయం
