Police Seized a Huge Gutka : ఆంధ్రా-తెలంగాణ సరిహద్దు పొందుగుల బోర్డర్ వద్ద భారీ స్థాయిలో గుట్కాను పట్టుకున్నట్లు పల్నాడు జిల్లా అసిస్టెంట్ ఎన్ఫోర్స్మెంట్ సూపరింటెండెంట్ డి.ఎస్. దుర్గాప్రసాద్ తెలిపారు. పల్నాడు జిల్లా గురజాల పట్టణంలోని స్థానిక ఎక్సైజ్ కార్యాలయంలో మాట్లాడిన ఆయన.. తెలంగాణ రాష్ట్రం నుంచి వస్తున్న లారీని ఆపి తనిఖీ చేయగా.. అందులో భారీగా గుట్కా ఉన్నట్లు గుర్తించామన్నారు. అలాగే 5కేసుల తెలంగాణ మద్యాన్ని కూడా స్వాధీనం చేసుకున్నట్లు తెలిపారు. ఈ ఘటనలో లారీలో ఉన్న 672 బ్యాగుల గుట్కాతో పాటు లారీని, డ్రైవర్, క్లీనర్ను అదుపులో తీసుకున్నట్లు పేర్కొన్నారు.
స్వాధీనం చేసుకున్న గుట్కా విలువ సుమారు 12 లక్షల రూపాయలు ఉంటుందని తెలిపారు. తరలిస్తున్న వారిపై కేసు నమోదు చేసినట్లు తెలిపారు. ఇలా గుట్కా, మద్యం తరలించటం నేరమని, అలా తరలించిన వారిపై కఠిన చర్యలు తీసుకుంటామని తెలిపారు.
ఇవీ చదవండి:
