'ఎస్సీ, ఎస్టీ సబ్ ప్లాన్ చట్టాన్ని వైసీపీ ప్రభుత్వం నిర్వీర్యం చేసింది'

Dalit and Tribal Communities: దళిత గిరిజనుల సమగ్రాభివృద్ధి - సాధికారతకోసం ఎస్సీ, ఎస్టీ సబ్ ప్లాన్ తెచ్చారని, ఈ చట్టాన్ని కొనసాగించేలా రాష్ట్ర ప్రభుత్వం చట్టం చేయాలని నేతలు డిమాండ్ చేశారు. ఎస్సీ, ఎస్టీ సబ్ ప్లాన్ ను వైసీపీ ప్రభుత్వం నిర్వీర్యం చేసిందని విజయవాడ రౌండ్ టేబుల్ సమావేశంలో ఆరోపించాయి.

SC, ST Round Table Meeting: ఎస్సీ, ఎస్టీ సబ్ ప్లాన్ చట్టం గడువు జనవరి 23తో ముగుస్తున్నందున ఆ చట్టాన్ని శాశ్వతంగా కొనసాగించాలని దళిత, గిరిజన సంఘాలు రాష్ట్ర ప్రభుత్వాన్ని డిమాండ్ చేశాయి. ఎన్టీఆర్ జిల్లా విజయవాడ ప్రెస్ క్లబ్​లో దళిత, గిరిజన సంఘాల ఆధ్వర్యంలో రాష్ట్ర స్థాయి రౌండ్ టేబుల్ సమావేశం ఏర్పాటు చేశారు. వివిధ దళిత గిరిజన ప్రజా సంఘాలు, రాజకీయ పార్టీల ముఖ్య నేతలు పాల్గొన్నారు.

చట్టం కొనసాగింపు కోసం అనుసరించాల్సిన భవిష్యత్ కార్యాచరణపై చర్చించారు. దళిత గిరిజనుల సమగ్రాభివృద్ధి - సాధికారత కోసం ఎస్సీ, ఎస్టీ సబ్ ప్లాన్ తెచ్చారని, ఈ చట్టాన్ని కొనసాగించేలా రాష్ట్ర ప్రభుత్వం చట్టం చేయాలని నేతలు డిమాండ్ చేశారు. ఎస్సీ, ఎస్టీ సబ్ ప్లాన్​ను వైసీపీ ప్రభుత్వం నిర్వీర్యం చేసిందని దళిత, గిరిజన సంఘాలు ఆరోపించాయి. నిధులను ఇతర అవసరాలకు మళ్లించాయని ఆక్షేపించారు. సబ్ ప్లాన్​లో బడ్జెట్​లో కేటాయించిన నిధులు, ఖర్చు చేసిన నిధులకు సంబంధించి శ్వేత పత్రం విడుదల చేయాలని డిమాండ్ చేశారు. సబ్ ప్లాన్ నిధులను సక్రమంగా వినియోగించేలా పర్యవేక్షణ చేయడం కోసం కమిటీలను ఏర్పాటు చేయాలని డిమాండ్ చేశారు.

ఇవీ చదవండి