విజయవాడలో ఏపి సీడ్స్ సంస్ధ ఎదుట వివాహిత కుటుంబ సభ్యులతో కలిసి నిరసన చేపట్టింది. శ్రీకాకుళం జిల్లా ఏపీ సీడ్స్ సంస్ధలో పని చేస్తున్న అబ్దుల్ అజీజ్ తనను వదిలించుకోవాలని చూస్తున్నారని ఆజీజ్ భార్య ఆరోపించింది. ఎస్.కె. నజీరాతో 2007లో అజీజ్కు వివాహం జరిగింది. అనంతరం పశ్చిమగోదావరి జిల్లా తణుకులో నివాసం ఉండేవారు. వీరికి ఇద్దరు పిల్లలు ఉన్నారు. నాలుగేళ్ల క్రితం తండ్రి ఉద్యోగం అజీజ్కి రావటంతో.. కుటుంబ సభ్యులు శ్రీకాకుళానికి వెళ్లిపోయారు.
గత కొద్ది రోజుల నుంచి వేరే మహిళతో వివాహేతర సంబంధం పెట్టుకొని.. తనను చిత్రహింసలు పెడుతున్నారని నజీరా ఆవేదన వ్యక్తం చేసింది. తన మానసిక పరిస్థితి బాగాలేదని.. 15 రోజులు క్రితం ఆసుపత్రిలో జాయిన్ చేసి వెళ్లిపోయాడని.. తిరిగి రాకపోవటంతో పోలీసులను ఆశ్రయించామని కుటుంబ సభ్యులు తెలిపారు. ఏపీ సీడ్స్ సంస్థ ప్రధాన కార్యాలయం ఉన్నతాధికారులకు ఫిర్యాదు చేస్తే.. న్యాయం జరుగుతుందన్న ఆశతో నిరసన చేపట్టామని కుటుంబ సభ్యులు వెల్లడించారు.
ఇవీ చూడండి...
