హైదరాబాద్​ నుంచి రాష్ట్రంలోకి వస్తున్న బస్సు నిలిపివేత

హైదరాబాద్ నుంచి ఆంధ్రప్రదేశ్​లోకి వస్తున్న ఒక బస్సును కృష్ణా జిల్లా గరికపాడు వద్ద పోలీసులు అడ్డుకున్నారు. అందులో 36 మంది ఉన్నట్లు తెలిపారు. వారంతా ఖతార్​లో పని చేసేందుకు వెళ్లి తిరిగివస్తున్నట్లు చెప్పారు.

కృష్ణా జిల్లా జగ్గయ్యపేట మండలం గరికపాడు రాష్ట్ర సరిహద్దు వద్ద హైదరాబాదు నుంచి బస్సులో వస్తున్న 36 మందిని పోలీసులు అడ్డుకున్నారు. తామంతా ఖతార్​లో ఎలక్ట్రికల్ పనులకు వెళ్లి హైదరాబాద్ వచ్చామని.. అక్కడ 14 రోజులు క్వారంటైన్​లో ఉన్నట్లు వారు చెప్పారు. క్వారంటైన్ పూర్తయినందున స్వస్థలాలకు బయలుదేరామని తెలిపారు. అయితే, ఏప్రిల్ 14 వరకు ఆంధ్రప్రదేశ్​లోకి రావడానికి ఎవరికీ అనుమతి లేనందున వారి బస్సును అక్కడే ఆపేసినట్లు నందిగామ డీఎస్పీ రమణమూర్తి తెలిపారు.

ఇవీ చదవండి.. పిడుగులు పడే ప్రమాదం ఉంది... జాగ్రత్త