కరోనా వ్యాప్తి నివారణ దిశగా రాష్ట్ర ప్రభుత్వం కీలక నిర్ణయం తీసుకుంది. ఇప్పటికే రాత్రి కర్ప్యూ అమలవుతోండగా.. ఆ వేళల్ని పెంచింది. బుధవారం నుంచి కర్ప్యూ తాజా ఆంక్షలు ప్రారంభమవుతాయి. ఉదయం 6 నుంచి మధ్యాహ్నం 12 గంటల వరకు మాత్రమే సాధారణ కార్యకలాపాలకు అనుమతివ్వాలని సీఎం ఆదేశించారు. ఈ క్రమంలోనే కృష్ణా జిల్లా అవనిగడ్డ మండల టాస్క్ ఫోర్స్ కమిటీ సమావేశమైంది. 6,7,8 తేదీలు మూడు రోజుల పాటు పూర్తి లాక్డౌన్ విధిస్తున్నట్లు టాస్క్ ఫోర్స్ కమిటీ తెలిపింది. లాక్డౌన్ సమయంలో పాల షాపులు మాత్రమే ఉదయం 6.00 గంటల నుండి 8.00 గంటల వరకు తెరవాలని, మిగతా అన్ని షాపులు మూసివేయాలని అవనిగడ్డ తహసిల్దార్ బి. శ్రీనునాయక్ స్పష్టం చేశారు. ఈ సమావేశంలో సర్కిల్ ఇన్స్పెక్టర్ బీమేశ్వర రవికుమార్, ఎస్సై సందీప్ పాల్గొన్నారు.
ఇదీ చదవండి: ఇవాళ కేబినెట్ భేటీ.. చర్చించే అంశాలివే
