రాష్ట్రంలోని గిరిజన ప్రాంతాల్లోని మహిళలు, శిశువులకు అదనపు పౌష్టికాహారం అందించేందుకు వైఎస్ఆర్ సంపూర్ణ పోషణ ప్లస్ పేరిట కొత్త పథకాన్ని అమలు చేసేందుకు ప్రభుత్వం కార్యాచరణ ప్రారంభించింది. రాష్ట్రంలోని 77 గిరిజన మండలాల్లో ఈ పథకం అమలుకు విధి విధానాలు జారీ చేస్తూ ఉత్తర్వులిచ్చింది. మిగిలిన ప్రాంతాల్లో గర్భిణులు, బాలింతలు, 6 నుంచి 36 నెలలలోపు శిశువులకు పౌష్టికాహారం అందించేందుకు సంపూర్ణ పోషణ పథకం అమలుకు ఉత్తర్వులు విడుదల చేసింది.
257 ఐసీడీఎస్ పథకాల ద్వారా 13 జిల్లాల్లోనూ సంపూర్ణ పోషణ పథకం అమలు కానున్నట్టు ప్రభుత్వం తెలిపింది. రాష్ట్రవ్యాప్తంగా 55,607 అంగన్వాడీ కేంద్రాల ద్వారా అమలుకు కార్యాచరణ చేపట్టింది. అంగన్వాడీ కేంద్రాల్లో అందించే ఆహారానికి ఒక్కో లబ్దిదారుకు నెలకు 600 రూపాయలు చొప్పున, అలాగే గర్భిణులు, బాలింతలకు ఇంటికి తీసుకెళ్లే రేషన్ కోసం నెలకు 500 రూపాయలు, శిశువులకు అందించే పౌష్టికాహారానికి ఒక్కొక్కరికి నెలకు 533 రూపాయలు ఖర్చు అవుతుందని ప్రభుత్వం ఉత్తర్వుల్లో పేర్కొంది.
ఇదీ చదవండి
