రాష్ట్రంలో గడిచిన 24 గంటల వ్యవధిలో 63,873 కరోనా పరీక్షలు నిర్వహించగా... కొత్తగా 506 కరోనా కేసులు నమోదయ్యాయి. కొత్త కేసులతో కలిపి మెుత్తం బాధితుల సంఖ్య 8,75,531కి చేరింది. కృష్ణా, గుంటూరు, చిత్తూరు, విజయనగరం, పశ్చిమ గోదావరి జిల్లాల్లో ఒక్కొక్కరు మృతి చెందారు. ఇప్పటివరకు మృతుల సంఖ్య 7,057కు చేరింది. వైరస్ బారిన పడిన మరో 613 మంది కోలుకున్నారు. వీరితో కలిపి ఇప్పటివరకు 8.63 లక్షల మంది బాధితులు కోలుకున్నారు. ప్రస్తుతం 4,966 కరోనా యాక్టివ్‌ కేసులున్నాయి.
జిల్లాల వారీగా కొత్త కేసులు
కృష్ణాలో 59, తూర్పుగోదావరి జిల్లా 41, నెల్లూరులో 29, కర్నూలులో 28, శ్రీకాకుళంలో 25, విశాఖలో 23, ప్రకాశంలో 20, అనంతపురంలో 11, విజయనగరంలో 13, కడపలో 12 కరోనా కేసులు నమోదయ్యాయి.
ఇవీ చదవండి
