YSRCP leaders blocked the MLA : కాకినాడ జిల్లా పెదపూడి మండలం గొల్లల మామిడాడలోని శ్రీ సూర్యనారాయణ మూర్తి ఆలయానికి వెళ్లిన అనపర్తి ఎమ్మెల్యే సత్తి సూర్యనారాయణ రెడ్డికి చేదు అనుభవం ఎదురైంది. స్థానిక వైసీపీ నాయకులు ఎమ్మెల్యేను ఆలయంలోకి అనుమతించమంటూ అడ్డుకున్నారు. దీంతో రోడ్డుపై కొద్దిసేపు గందరగోళం నెలకొంది.
సూర్యనారాయణ స్వామి ఉత్సవంలో భాగంగా గుండాట, ఇతర ఆటలకు పోలీసుల నుంచి అనుమతి తీసుకురాలేదని ఎమ్మెల్యేపై ఆగ్రహం వ్యక్తం చేశారు. అనంతరం గుడిలోనికి వెళ్లకుండా స్థానిక వైసీపీ నాయకులు ఎమ్మెల్యేను నిలదీశారు. ఎమ్మెల్యే కారుకు అడ్డంగా నిలబడి.. రోడ్డుపై బైఠాయించి 'ఎమ్మెల్యే గో బ్యాక్.. ఎమ్మెల్యే డౌన్ డౌన్' అంటూ నినాదాలు చేశారు. దీంతో సమాచారం అందుకున్న పెదపూడి పోలీసులు ఘటనాస్థలానికి చేరుకుని నిరసనకారుల నుంచి ఎమ్మెల్యేను క్షేమంగా అక్కడినుంచి పంపించారు.
ఇవీ చదవండి:
