గుంటూరు జిల్లా దుర్గిలో.. ఎన్టీఆర్ విగ్రహం ధ్వంసం ఘటన దురదృష్టకరమని.. మాచర్ల ఎమ్మెల్యే, ప్రభుత్వ విప్ పిన్నెల్లి రామకృష్ణరెడ్డి అన్నారు. ఈ ఘటనతో వైకాపాకు ఎలాంటి సంబంధమూ లేదని స్పష్టం చేశారు. ఈ సంఘ‌ట‌న‌ను తెదేపా రాజకీయంగా వాడుకోవ‌డం దారుణమని అన్నారు.
ఎన్టీఆర్ను వెన్నుపోటు పొడిచిన మొద‌టి వ్యక్తి చంద్రబాబేనన్నారు. ఫ్యాక్షన్ నేప‌థ్యం ఉన్న వ్యక్తిని.. తెదేపా మాచర్ల నియోజకవర్గ ఇన్ఛార్జ్ గా నియమించారని, ఆయ‌న‌కున్న ఫ్యాక్షన్ నేప‌థ్యంతో జనాలను భ‌య‌బ్రాంతుల‌కు గురిచేసి.. లా అండ్ ఆర్డర్ సమస్యలు సృష్టించాలని చూస్తున్నారని ఆరోపించారు. ఇలాంటి ఘ‌ట‌న‌ల‌ను వైకాపా ఖండిస్తుందన్నారు.
ఇదీ చదవండి:
CBN: ఎన్టీఆర్ విగ్రహ ధ్వంసంపై చంద్రబాబు ఆగ్రహం.. డీజీపీకి లేఖ
