ఉల్లిపాయలు తరలించే వాహనంలో గుట్కా, ఖైనీ ప్యాకెట్లు పట్టివేత

ఉల్లిపాయలు తరలించే వాహనంలో రూ. 10 లక్షల విలువ చేసే గుట్కా, ఖైనీ ప్యాకెట్లను గుంటూరు అర్బన్ నల్లపాడు​ పోలీసులు పట్టుకున్నారు. వాహనాన్ని సీజ్​ చేసి కేసు నమోదు చేసినట్లు నల్లపాడు సీఐ వీరాస్వామి తెలిపారు.

గుంటూరు అర్బన్​ నల్లపాడు​ పోలీస్​ స్టేషన్​ బుడంపాడు జంక్షన్​ వద్ద పోలీసులు తనిఖీలు చేపట్టారు. హైదరాబాద్​ నుంచి తెనాలి వెళ్తున్న ఉల్లిపాయలు లోడుతో వస్తున్న వాహనాన్ని సోదా చేశారు. లోడు అడుగు భాగాన 58 బస్తాల గుట్కా ప్యాకెట్లు గుర్తించారు. వీటి విలువ రూ. 10 లక్షలు ఉంటుందని సీఐ వీరాస్వామి తెలిపారు. వాహనాన్ని అదుపులోకి తీసుకుని కేసు నమోదు చేశారు.

ఇదీ చదవండి :