ఎమ్మెల్యే కిలారి రోశయ్యకు కరోనా పాజిటివ్

గుంటూరు జిల్లా పొన్నూరు శాసనసభ్యుడు కిలారి రోశయ్యకు కరోనా పాజిటివ్​గా నిర్ధరణ అయింది. ఈ విషయాన్ని రోశయ్య స్వయంగా వెల్లండించారు. ఎలాంటి లక్షణాలు కనిపించకుండానే వైరస్ బారిన పడినట్లు చెప్పారు.

రాష్ట్రంలో మరో ఎమ్మెల్యే కరోనా వైరస్ బారిన పడ్డారు. వైకాపాకు చెందిన గుంటూరు జిల్లా పొన్నూరు శాసనసభ్యుడు కిలారి రోశయ్యకు కరోనా పాజిటివ్​గా నిర్ధరణ అయింది. వైరస్ సోకిన విషయాన్ని రోశయ్య వీడియో ద్వారా స్వయంగా వెల్లడించారు.

ఎలాంటి లక్షణాలు కనిపించకుండానే తాను వైరస్ బారిన పడినట్లు ఎమ్మెల్యే చెప్పారు. వెంటనే హోం క్వారంటైన్​కు వెళ్లినట్లు ఆయన వెల్లడించారు. అందరి అభిమానంతో త్వరలోనే కోలుకుంటానని విశ్వాసం వ్యక్తం చేశారు.