కరోనా కల్లోలంతో చేనేత కార్మికులు ఆర్థిక కష్టాల్లో చిక్కుకున్నారు. గుంటూరు జిల్లాలో మంగళగిరి నగరంతో పాటు 13 కేంద్రాల్లో చేనేత వృత్తిదారులు జీవిస్తున్నారు. అంతర్జాతీయంగా చేనేత వస్త్రాల ఎగుమతికి మంగళగిరి నగరం కేంద్రంగా ఉంది. గత ఏడాది కొవిడ్‌-19 వల్ల చేనేత పరిశ్రమ కష్టాల్లో చిక్కుకుంది. ప్రస్తుతం రెందో దశ కరోనా విజృంభణతో కార్మికుల జీవనంపై మళ్లీ తీవ్ర ప్రభావం పడింది. ఈ ఏడాది జనవరి నుంచి కొద్దిగా ఉత్పత్తి ప్రారంభమై చేనేత కార్మికుల జీవనం కొద్దిగా మెరుగుపడింది. ఉన్నట్టుండి ఏప్రిల్‌ నుంచి పరిశ్రమ మళ్లీ సంక్షోభంలో కూరుకుపోయింది. ఉత్పత్తులు అమ్ముడు పోవడం లేదు. వస్త్ర నిల్వలు పేరుకుపోయాయి. వేలాది మంది కార్మికులు రోజువారీ పని లేక ఆర్థిక ఇబ్బందుల్లో కొట్టుమిట్టాడుతున్నారు.
ఉత్పత్తిదారులు వస్త్ర తయారీ తగ్గించి వేశారు. మగ్గంపై వస్త్ర ఉత్పత్తి చేసి నెలకు రూ.8 వేలు సంపాదించే చేనేత కార్మికుడు ఇప్పుడు రూ.2,500 కూడా ఆదాయం పొందలేని పరిస్థితి నెలకొంది. ఇంటి అద్దె చెల్లించలేక, కుటుంబ పోషణ కష్టమై ఇబ్బంది పడుతున్నామని కార్మికులు వాపోతున్నారు. ఒక్క మంగళగిరిలోనే 4,500 మంది చేనేత కార్మికులు ఉన్నారు. జిల్లా వ్యాప్తంగా అధికారికంగా 22,150 మంది కార్మికులు మగ్గాలపై పనిచేస్తున్నారు. వారి జీవన స్థితి ఇప్పుడు ఇబ్బందుల్లో పడింది.
స్తంభించిన విక్రయాలు:
