తిరుమల తిరుపతి దేవస్థానం ఆధ్వర్యంలో ఈ నెల 15న గుంటూరు జిల్లా నరసరావుపేటలోని సత్తెనపల్లి రోడ్డులో ఉన్న క్రీడా మైదానంలో కామధేను పూజ నిర్వహించనున్నారు. కార్యక్రమ ఏర్పాట్లను జిల్లా కలెక్టర్ శామ్యూల్ ఆనంద్ బుధవారం పరిశీలించారు. ఆయన వెంట జాయింట్ కలెక్టర్ దినేష్ కుమార్, జిల్లా రూరల్ ఎస్పీ విశాల్ గున్ని, నరసరావుపేట ఎమ్మెల్యే గోపిరెడ్డి శ్రీనివాసరెడ్డిలు ఉన్నారు.
అనంతరం కలెక్టర్ మీడియాతో మాట్లాడారు. కామధేను పూజా కార్యక్రమానికి ముఖ్యమంత్రి జగన్మోహన్ రెడ్డి హాజరవుతారని వెల్లడించారు. ఎమ్మెల్యే గోపిరెడ్డి మాట్లాడుతూ... తితిదే ఈ పూజా కార్యక్రమాన్ని నరసరావుపేటలో నిర్వహించడం నియోజకవర్గ ప్రజలకు మహాభాగ్యంగా భావిస్తున్నామన్నారు. సుమారు గంటపాటు పూజ కొనసాగుతుందని తెలిపారు.
ఇదీ చదవండి
