పాతకక్షలతో ప్రత్యర్థుల దాడి.. ఒకరి మృతి

పాతకక్షలతో జరిగిన గొడవలో ఓ వ్యక్తి మృతి చెందిన ఘటన.. చిత్తూరు జిల్లా దొమ్మరిపాలెంలో జరిగింది. అయితే పథకం ప్రకారమే తన భర్తను హత్య చేశారని.. మృతుని భార్య ఆరోపించింది. దీనిపై పోలీసులు కేసు నమోదు చేసి దర్యాప్తు చేస్తున్నారు.

చిత్తూరు జిల్లా శ్రీకాళహస్తి మండలం దొమ్మరిపాలెంలో రెండు వర్గాల మధ్య నెలకొన్న ఘర్షణలో ఓ వ్యక్తి మృతిచెందాడు. గ్రామానికి చెందిన వెంకటేశ్​కు, నిందితులకు పాత కక్షలు ఉన్నాయి. ఈ క్రమంలోనే 3 నెలల క్రితం వివాదం జరిగింది. దీనిపై ఇరువర్గాలు పోలీస్ స్టేషన్​లో ఫిర్యాదు చేసుకున్నాయి. అప్పటి నుంచి రగులుతూ వచ్చిన వివాదం ఘర్షణకు దారి తీసింది.

ప్రత్యర్థుల దాడిలో వెంకటేశ్ చనిపోయాడు. రూరల్ సీఐ విజయ్ కుమార్ ప్రత్యర్థులకు కొమ్ము కాశారని.. అందుకే తన భర్తను హత్య చేయగలిగారని మృతుని భార్య ఆరోపించింది. దీనిపై పట్టణ సీఐ ఆరోహణరావు కేసు నమోదు చేసి దర్యాప్తు చేస్తున్నారు. మృతదేహాన్ని శవపరీక్ష నిమిత్తం ప్రభుత్వాసుపత్రికి తరలించారు.

ఇవీ చదవండి...