కౌంటింగ్ కేంద్రంలో ఉద్రిక్తత.. రీకౌంటింగ్ చేయాలంటూ ఆందోళన

చిత్తూరు జిల్లా అంకిశెట్టిపల్లిలో తీవ్ర ఉద్రిక్తత నెలకొంది. కౌంటింగ్ మీద తమకు అనుమానాలున్నాయని.. వెంటనే రీకౌంటింగ్ నిర్వహించాలంటూ ప్రత్యర్థులు ఆందోళన చేపట్టారు. చివరకు ఎన్నికల్లో విజయం సాధించిన అభ్యర్థికి అధికారులు డిక్లరేషన్ ఇవ్వడంతో వివాదం సద్దుమణిగింది.

చిత్తూరు జిల్లా మదనపల్లె మండలం అంకిశెట్టిపల్లి గ్రామ పంచాయతీలో కౌంటింగ్ ప్రక్రియ తీవ్ర ఉద్రిక్తతకు దారి తీసింది. అధికార పార్టీ అభ్యర్థి శరత్ రెడ్డి 12 ఓట్ల తేడాతో గెలవడంతో ప్రత్యర్థులు రీ కౌంటింగ్ జరిపాలని ఆందోళన చేపట్టారు. గెలుపొందిన సర్పంచ్ అభ్యర్థికి డిక్లరేషన్ పత్రం ఇవ్వాలంటూ స్థానిక ఎమ్మెల్యే నవాజ్ బాషా డిమాండ్ చేశారు. ఈ క్రమంలో రీ కౌంటింగ్ జరిపించాలని మదనపల్లె తెదేపా ఇన్చార్జ్ రమేష్ డిమాండ్ చేశారు.

డిక్లరేషన్​తో...

తీవ్ర ఉద్రిక్త పరిస్థితుల అనంతరం గెలుపొందిన అభ్యర్థికి ఎన్నికల అధికారులు డిక్లరేషన్ పత్రం ఇవ్వడంతో వివాదం సద్దుమణిగింది.

ఇదీచదవండి.