కరోనా వైరస్ నివారణ చర్యల్లో రాష్ట్రం మొదటి స్థానంలో ఉందని కేంద్ర బృందం పేర్కొందని ఎమ్మెల్యే రోజా అన్నారు. దీనికి కారణం ముఖ్యమంత్రి జగన్మోహన్రెడ్డి పరిపాలనతో పాటు ఆయన విజన్ గొప్పదని పేర్కొన్నారు. కరోనాను ఆరోగ్యశ్రీ కింద తీసుకురావడం గొప్ప విషయమన్నారు. తమిళనాడు సరిహద్దులో ఉన్న నగరి నియోజకవర్గంలో కూడా కరోన వ్యాప్తి చెందకుండా కట్టడి చేశారని పేర్కొన్నారు. ఈ సందర్భంగా జిల్లా కలెక్టర్ , ఎస్పీల చర్యలను ఆమె అభినందించారు. విశాఖలో జరిగిన ఎల్జీ పాలిమర్స్ గ్యాస్ లీకేజీ సంఘటనలో ముఖ్యమంత్రి తీసుకున్న చర్యలు ఏ రాష్ట్రంలో ఇంతవరకు తీసుకోలేదన్న ఆమె బాధితుల కుటుంబాలకు తానున్నానంటూ భరోసా ఇచ్చారన్నారు.
ఇవీ చూడండి...
