చిత్తూరు జిల్లాలోని గ్రామాల్లో నాటుసారాను అరికట్టడానికి పోలీసులకు వాలంటీర్లు సహకరించాలని ఉప ముఖ్య మంత్రి నారాయణస్వామి కోరారు. సహకరించని వాలంటీర్లను ఉద్యోగాల నుంచి తొలగిస్తామని హెచ్చరించారు. చిత్తూరు జిల్లా వెదురుకుప్పం మండలం టీఆర్.పురంలో పేదలకు బియ్యం, నిత్యావసర వస్తువులు పంపిణీ చేశారు. గ్రామంలో నెలకొన్న పరిస్థితులపై గ్రామస్థులను అడిగి తెలుసుకున్నారు. నియోజకవర్గంలో కొన్ని ప్రాంతాల్లో నాటుసారా విచ్చలవిడిగా తయారవుతున్నందున అధికారులు తనిఖీలు నిర్వహించాలని ఆదేశించారు. మండలంలోని చెరువులను అభివృద్ధికి సహకారం అందిస్తామని తెలిపారు.
ఇదీచదవండి.
