చిత్తూరు జిల్లాలోని శేషాచల అడవుల్లో టాస్క్ఫోర్స్ అధికారులు కూంబింగ్ కొనసాగుతోంది. నెమళ్ళగుట్ట సమీపంలోని మామిడి తోటలో శుక్రవారం తెల్లవారుజామున కొందరు ఎర్రచందనం దుంగలను మోసుకుంటూ టాస్క్ఫోర్స్ సిబ్బందికి తారసపడ్డారు. వెంటనే టాస్క్ఫోర్స్ సిబ్బంది పట్టుకునేందుకు ప్రయత్నించగా... స్మగ్లర్లు దుంగలను వదిలి వెళ్లిపోయారు. సిబ్బంది అతి కష్టం మీద సిగమాల శ్రీనివాసులు (36) అనే వ్యక్తిని పట్టుకుని అదుపులోకి తీసుకున్నారు. 19 ఎర్ర చందనం దుంగలను స్వాధీనం చేసుకున్నారు. ఘటనపై తిరుపతి టాస్క్ఫోర్స్ పోలీసు స్టేషన్లో కేసు నమోదు చేసినట్లు సీఐ సుబ్రహ్మణ్యం తెలిపారు.
ఇదీ చదవండి :
