నార్పల మండలంలో యువకుడి ఆదృశ్యం
అనంతపురం జిల్లా నార్పల మండల కేంద్రంలోని ఉయ్యాలకుంటకు చెందిన రాజేష్(18) అనే యువకుడు పోస్ట్ చేసిన వీడియో సామాజిక మాధ్యమాల్లో వైరల్ అవుతోంది. 'నిజం చెప్పాలంటే నాకు చాలా బాధగా ఉంది. నేను ఈ ప్రపంచాన్ని వదలి వెళ్లాలనుకుంటున్నా. నా చావుకు ఎవరూ బాధ్యులు కారు. ఎవర్నీ ఇబ్బంది పెట్టకండి.' అంటూ రాజేష్ పెట్టిన వీడియో కలకలం సృష్టిస్తోంది. ఈ వీడియో చూసిన అతడి తల్లిదండ్రులు.. తమ కుమారుడు ఎక్కడికి వెళ్లాడో తెలియక ఆందోళన చెందుతున్నారు. వీరి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.
