అనంతపురం జిల్లా మడకశిర పట్టణంలో కరోనా సోకిన వ్యక్తి మృతిచెందాడు. అతని కుటుంబీకులను క్వారంటైన్ తరలించి పరీక్షలు నిర్వహించారు. వారికి కరోనా పాజిటివ్గా నిర్ధరణ కాగా... వారితో కాంటాక్ట్లో ఉన్న వ్యక్తుల వివరాలు సేకరించి పరీక్షలు నిర్వహించారు. అయితే అందులో ఒకే కుటుంబానికి చెందిన నలుగురుకి పాజిటివ్ అని తేలింది. వీరిని అనంతపురం కోవిడ్ ఆసుపత్రికి తరలించిన 8 రోజులైంది. ఇప్పుడు వారుంటున్న గాంధీబజార్ ప్రాంతాన్ని కంటైన్మెంట్ జోన్గా ప్రకటించడాన్ని స్థానికులు అడ్డుకున్నారు. వైరస్ ఉందని తెలియగానే చేయాల్సిన పనిని... అధికారులు 8 రోజుల తరువాత చేయడంపై ఆగ్రహం వ్యక్తం చేస్తున్నారు. అధికారులకు ఇంత నిర్లక్ష్యం తగదంటూ మండిపడుతున్నారు.
ఇదీ చదవండి: రాష్ట్రంలో కొత్తగా 845 కరోనా కేసులు.. ఐదుగురు మృతి
