ప్రస్తుతం రాష్ట్రంలో పరిస్థితులు చూస్తే శాంతి భద్రతలు ఉన్నాయా అనే అనుమానం కలుగుతోందని తెదేపా ఎమ్మెల్సీ దీపక్ రెడ్డి అన్నారు. బిహార్కు మించి రాష్ట్రంలో అరాచక పాలన సాగిస్తున్నారని మండిపడ్డారు. జేసీ ప్రభాకర్ రెడ్డి, జేసీ అస్మిత్ రెడ్డిలను శుక్రవారం అనంతపురం ఒకటో పట్టణ పోలీస్ స్టేషన్లో ఉంచిన సమయంలో... వారిని కలిసేందుకు ఎమ్మెల్సీ దీపక్ రెడ్డి వెళ్లారు. అయితే ఆయనను స్టేషన్లోకి వెళ్లనీయకుండా పోలీసులు అడ్డుకున్నారు. ఈ పరిణామంతో పోలీసుల తీరుపై ఆయన తీవ్ర స్థాయిలో ధ్వజమెత్తారు.
శాసనమండలి సభ్యుడితో పోలీసులు ఇలా ప్రవర్తిస్తే రాష్ట్రంలో పరిస్థితి ఎలా ఉందో అర్థం చేసుకోవచ్చని దీపక్ రెడ్డి అన్నారు. ఇప్పటికే జేసీ ప్రభాకర్ రెడ్డి, అస్మిత్ రెడ్డిపై పోలీసులు అక్రమ కేసులు పెట్టారని... తాజాగా ఎస్సీ, ఎస్టీ అట్రాసిటీ కేసులు నమోదు చేశారని ఆగ్రహం వ్యక్తం చేశారు.
ఇదీ చదవండి
