అనంతపురం జిల్లాలో గత వారం రోజులనుంచి కురుస్తున్న భారీ వర్షాలకు చెరువులు, వాగులు పొంగి పొర్లుతున్నాయి. నీరు రోడ్లమీదకు వచ్చి వాహన రాకపోకలకు అంతరాయం ఏర్పడింది. గత రాత్రి కురిసిన వర్షానికి గుత్తి సమీపంలోని చెరువు పొంగి రజాపురం-కొజ్జేపల్లి వద్ద రహదారిపై నీరు చేరింది. అందులో నుంచి రోడ్డు దాటడానికి ప్రయత్నించి ఒక కారు వాగులో కొట్టుకుపోయింది. అందులో ఉన్న వ్యక్తులను స్థానికులు రక్షించారు. కారు ఒక రాయిని తగులుకుని ఆగిపోయింది.
కర్ణాటక రాష్ట్రానికి చెందిన ఆర్టీసీ బస్సు ఆ నీటిలో రోడ్డు దాటుతుండగా మధ్యలోకి వెళ్లి ఆగిపోయింది. డ్రైవర్ చాకచక్యంతో నడిపి బస్సును దాటించటంతో ప్రయాణికులు ఊపిరి పీల్చుకున్నారు. వర్షాలకు ఎగువ నుంచి వస్తున్న నీటితో తమ ప్రాంతంలో వాగులు పొంగుతున్నాయని స్థానికులు అంటున్నారు. చెరువులలో పూడికతీత పనులు చేయించిఉంటే ఈ పరిస్థితి ఉండేది కాదని అభిప్రాయపడ్డారు. ఇప్పటికైనా అధికారులు స్పందించి రోడ్లపైకి నీరు చేరకుండా చర్యలు చేపట్టాలని కోరుతున్నారు.
ఇవీ చదవండి...
