దీపావళి వేడుకలు.. తారాజువ్వలు పడి రెండుచోట్ల ఫర్నిచర్ దగ్ధం

దీపావళి వేడుకల వల్ల సంభవించిన రెండు వేర్వేరు ప్రమాదాల్లో ఫర్నిచర్ అగ్నికి ఆహుతైంది. అగ్నిమాపక సిబ్బంది సకాలంలో స్పందించి మంటలను అదుపు చేశారు.

విజయవాడ అజిత్ సింగ్ నగర్ పరిధిలో వేర్వేరుచోట్ల అగ్నిప్రమాదాలు జరిగాయి. రామకృష్ణాపురం కట్టపై ఉన్న ఫర్నిచర్ తయారీ దుకాణంపై తారాజువ్వలు పడి అగ్నిప్రమాదం సంభవించింది. ఈ ఘటనలో దుకాణంలోని ఫర్నిచర్ అగ్నికి ఆహుతైంది. పైపుల రోడ్డులో ఓ ఇంటిపై పాత ఫర్నిచర్ దగ్ధంకాగా.. సకాలంలో స్పందించిన అగ్నిమాపక సిబ్బంది ఘటనాస్ధలానికి చేరుకుని మంటలు చుట్టుప్రక్కల ప్రాంతాలకు వ్యాపించకుండా చర్యలు చేపట్టారు.

ఇదీ చదవండి: