కుప్పం సీఐపై వైకాపా నేత చేయిచేసుకుంటే.. పోలీసుల సంఘం ఏం చేస్తోంది: లోకేశ్‌

కుప్పం సీఐపై వైకాపా నేత చేయిచేసుకుంటే పోలీసు అధికారుల సంఘం ఏం చేస్తోందని తెలుగుదేశం జాతీయ ప్రధాన కార్యదర్శి నారా లోకేశ్ ప్రశ్నించారు. పోలీస్ కాప‌లాలో రాష్ట్రంలో సాగుతోన్న గుండాయిజానికి పోలీసులూ బ‌లైపోవ‌డం విచార‌క‌రమన్నారు.

కుప్పం అర్బన్ సీఐ సాదిక్ అలీపై శాంతిపురం మండల వైకాపా నేత చేయి చేసుకుంటే.. పోలీసు అధికారుల సంఘం క‌నీసం ఖండించ‌లేదని తెలుగుదేశం జాతీయ ప్రధాన కార్యదర్శి నారా లోకేశ్ అన్నారు. పోలీసు అధికారుల సంఘం నాయకులు శ్రీనివాసరావు.. తెలుగుదేశం నేత‌ల‌పైనే మీసం తిప్పుతారా? అని ప్రశ్నించారు. వైసీపీ నేత‌లైతే ఆయ‌న మీసం తిర‌గ‌దా? అని లోకేశ్ నిలదీశారు. సీఐపై దాడి విషయమై పోలీసు అధికారుల సంఘం స్పందిస్తుందేమో చూడాలన్నారు.

ఇదీ చదవండి..