రాష్ట్ర గవర్నర్ బిశ్వభూషణ్ హరిచందన్ మూడు రోజుల అధికారిక పర్యటన కోసం బుధవారం దిల్లీ వెళ్లనున్నారు. రాష్ట్రపతి రామ్నాథ్ కోవింద్ నేతృత్వంలో దిల్లీలో జరిగే గవర్నర్ల సదస్సుకు గవర్నర్ హాజరు కానున్నారు. ప్రతి సంవత్సరం నిర్వహించే ఈ కార్యక్రమం రాష్ట్రపతి భవన్ వేదికగా గురువారం జరగనుంది. విభిన్న అంశాలపై రాష్ట్రపతి గవర్నర్లకు దిశా నిర్ధేశం చేయనున్నారు. ఆయా రాష్ట్రాల గవర్నర్లు రాష్ట్రపతికి నివేదికలు సమర్పిస్తారు.
మూడు రోజుల పర్యటనలో గవర్నర్‌తో ప్రత్యేక ప్రధాన కార్యదర్శి ఆర్పీ సిసోడియా, ఇతర అధికారులు పాల్గొననున్నారు. పర్యటనలో భాగంగా బుధవారం సాయంత్రం ఉప రాష్ట్రపతి వెంకయ్యనాయుడితో.. గవర్నర్ మర్యాదపూర్వకంగా భేటీ కానున్నారు. పర్యటన అనంతరం శుక్రవారం సాయంత్రం గవర్నర్ దిల్లీ నుంచి విజయవాడ రాజ్భవన్కు చేరుకుంటారు. మూడు రోజులు ఆయన ఏపీ భవన్లో బస చేయనున్నారు.
MEDALS: 11మంది గ్రేహౌండ్స్‌ సిబ్బందికి ముఖ్యమంత్రి శౌర్య పతకాలు
