జీహెచ్ఎంసీ మేయర్గా ఎన్నికైన విజయలక్ష్మి సంతోషం వ్యక్తం చేశారు. ఈ పదవి కోసం తన పేరును ఎంపిక చేసిన పార్టీ అధ్యక్షుడు కేసీఆర్, కార్యనిర్వహక అధ్యక్షుడు కేటీఆర్కు కృతజ్ఞతలు తెలిపారు. ఒకేసారి ఇద్దరు మహిళలకు అవకాశం ఇచ్చినందుకు సంతోషంగా ఉందన్న విజయలక్షి... అన్ని పార్టీల సభ్యులను కలుపుకెళ్తానని తెలిపారు. నగర అభివృద్ధి కోసం అందరి సలహాలు స్వీకరిస్తామని వెల్లడించారు. మహిళలకు మరింత భద్రత కల్పిస్తామని పేర్కొన్నారు.
జీహెచ్ఎంసీ డిప్యూటీ మేయర్గా ఎన్నికవడం పట్ల తార్నాక కార్పొరేటర్‌ మోతె శ్రీలతరెడ్డి సంతోషం వ్యక్తం చేశారు. 20 ఏళ్ల నుంచి తెరాసలో ఉన్నామని... పార్టీ మమ్మల్ని గుర్తించి డిప్యూటీ మేయర్గా అవకాశం ఇచ్చారని హర్షం వ్యక్తం చేశారు. ముఖ్యమంత్రి కేసీఆర్, మంత్రి కేటీఆర్కు కృతజ్ఞతలు తెలిపారు. ఎల్లప్పుడు ప్రజలకు అందుబాటులో ఉంటానని శ్రీలత వెల్లడించారు.
ఇదీ చూడండి:
