Wife killed her husband: భర్త మద్యం తాగొచ్చి వేధిస్తుంటే ఆ వేధింపులు భరించలేక భార్య విరక్తి చెంది రోకలి బండతో తలపై కొట్టడంతో భర్త అక్కడికక్కడే మృతి చెందాడు. ఈ ఘటన కడప శ్రీకృష్ణదేవరాయ కాలనీలో చోటుచేసుకుంది. కడపలోని శ్రీకృష్ణదేవరాయ కాలనీకి చెందిన సుబ్బనర్సయ్యకు సుజాతకు 20 ఏళ్ల క్రిందట వివాహమైంది. వీరికి ఇద్దరు పిల్లలు ఉన్నారు. సుబ్బ నరసయ్య ప్రైవేటు ఉద్యోగం చేస్తున్నాడు.
ఇటీవల కాలంలో మద్యానికి బానిసై తాగి వచ్చి భార్యను వేధింపులకు గురిచేస్తుండేవాడు. పలువురు పెద్దల సమక్షంలో గతంలో పంచాయితీ చేసినప్పటికీ అతడిలో మార్పు రాలేదు. అర్ధరాత్రి సుబ్బనర్సయ్య మద్యం తాగించి భార్యను వేధిస్తుంటే... వేధింపులు భరించలేక రోకలిబండ తీసుకొని భర్త తలపై బలంగా కొట్టడంతో తల పగిలి అతను అక్కడికక్కడే మృతి చెందాడు. విషయం తెలుసుకున్న పోలీసులు ఘటన స్థలాన్ని పరిశీలించి కేసు నమోదు చేసి దర్యాప్తు చేపట్టారు. నిందితురాలు సుజాతను పోలీసులు అదుపులోకి తీసుకున్నారు.
ఇవీ చదవండి:
