దార్శనికతకు, నిబద్ధతకు, పనితనానికి నిలువెత్తు నిదర్శనంగా నిలిచిన తెదేపా అధినేత చంద్రబాబు విధానాలు కొనసాగించి ఉంటే... ఏపీ ఎప్పటికీ నంబర్ వన్నేనని మాజీమంత్రి దేవినేని ఉమా తేల్చిచెప్పారు. ఈజ్ ఆఫ్ డూయింగ్ బిజినెస్లో 2018-19 సంవత్సరానికి జాతీయ స్థాయిలో ఏపీ మొదటిస్థానం వచ్చిందని చెప్పారు. వరుసగా నాలుగో ఏడాది ఏపీ ఘనత సాధించిందని సంతోషం వ్యక్తం చేశారు. చంద్రబాబు ఎవరో చెప్పడానికి జగన్కు ఇది చాలని స్పష్టం చేశారు.
తెదేపా జాతీయ అధ్యక్షుడు చంద్రబాబు కృషివల్లే ఈజ్ ఆఫ్ డూయింగ్లో ఏపీ తొలిస్థానంలో నిలిచిందని గుంటూరు ఎంపీ గల్లా జయదేవ్ అన్నారు. చంద్రబాబు తీసుకొచ్చిన పారిశ్రామిక విధానాలు, చేపట్టిన సంస్కరణలు, పారదర్శక విధానాల వల్లనే ఇది సాధ్యమైందన్నారు. 2018-2019 ఏడాదికి ఈజ్ ఆఫ్ డూయింగ్ బిజినెస్ ర్యాంకుల్లో రాష్ట్రానికి తొలిస్థానం రావడం సంతోషకరమన్నారు. భవిష్యత్తులో ఆంధ్రప్రదేశ్ పెట్టుబడులకు స్వర్గధామంగా నిలుస్తుందని ఆశాభావం వ్యక్తం చేశారు. ఈ ప్రభుత్వం ఇప్పటికైనా రాష్ట్రాభివృద్ధి దిశగా చొరవ చూపాలని హితువు పలికారు.
ఇదీ చదవండీ... మీటర్ల ఏర్పాటుతో ఏ ఒక్క రైతుకూ నష్టం వాటిల్లదు: పేర్ని నాని
