'ఏడాది కాలంగా రాష్ట్రంలో మద్యం వినియోగం తగ్గింది'

ఏడాది కాలంగా రాష్ట్రంలో మద్యం వినియోగం తగ్గిందని మద్య విమోచన ప్రచార కమిటీ రాష్ట్ర చైర్మన్​ తెలిపారు. లాక్​డౌన్​ తర్వాత మద్యం దుకాణాలు తగ్గించడం వల్ల కొనుగోలుదారుల సంఖ్య గణనీయంగా తగ్గందన్నారు. దశల వారీగా మద్యం నియంత్రణ చాలా తొందరగా చేపడుతున్నట్లు గుంటూరులో తెలియజేశారు.

రాష్ట్రంలో దశల వారీగా మద్యపాన నియంత్రణ వేగంగా చేపడుతున్నట్లు మద్యవిమోచన ప్రచార కమిటీ రాష్ట్ర చైర్మన్​ వల్లంరెడ్డి లక్ష్మణరెడ్డి పేర్కొన్నారు. ఏడాది కాలంగా మద్య నియంత్రణకు చేపట్టిన కార్యక్రమాలపై గుంటూరులో ప్రకటన విడుదల చేశారు.

లాక్​డౌన్​ అనంతరం ప్రభుత్వం చేపట్టిన సంస్కరణల వల్ల మద్యం వినియోగం 20 శాతం, బీరు 50 శాతం తగ్గిందని తెలిపారు. ఇది శుభపరిణామంగా భావిస్తున్నట్లు తెలియజేశారు. మద్యం నియంత్రణలో రాజకీయ జోక్యం లేకుండా చూస్తున్నామని చెప్పారు. మద్యం అక్రమాలకు పాల్పడే వారిపై ఎక్సైజ్​ శాఖ కఠిన చర్యలు చేపట్టినట్లు ఆయన చెప్పారు.

ఇదీ చదవండి: