ప్రతీ ఏడాది కౌలు చెల్లింపులో ఆలస్యమెందుకవుతోంది?: హైకోర్టు

రైతుల వార్షిక కౌలు చెల్లింపు అంశంపై హైకోర్టులో విచారణ జరిగింది. మందడం రైతు ఈ అంశంపై పిటీషన్ దాఖలు చేశారు. కౌలు చెల్లింపులో ప్రతీ ఏడాది ఆలస్యం ఎందుకు అవుతోందంటూ హైకోర్టు ధర్మాసనం.. ప్రభుత్వాన్ని ప్రశ్నించింది.

రాజధాని రైతుల వార్షిక కౌలు చెల్లిపు అంశంపై మందడం రైతు ఆలూరి యుగంధర్ దాఖలు చేసిన పిటిషన్​పై హైకోర్టు విచారణ జరిపింది. వార్షిక కౌలు రైతుల హక్కని , ప్రతీ ఏడాది కౌలు చెల్లింపులో ఆలస్యమెందుకవుతోందని ప్రభుత్వాన్ని.. ధర్మాసనం ప్రశ్నించింది . కౌలుకు సంబంధించిన జీవో జారీచేశామని ప్రభుత్వ తరపు న్యాయవాది కోర్టుకు తెలిపారు . ఖాతాల్లో నగదు ఎప్పుడు జమ చేస్తారని ప్రభుత్వాన్ని ప్రశ్నించగా న్యాయవాది నాలుగు వారాల సమయం కోరారు . మూడు వారాల్లోగా రైతుల ఖాతాలో కౌలు నగదు జమ చేయాలని హైకోర్టు.. ప్రభుత్వాన్ని ఆదేశించింది .

ఇదీ చదవండి:Yanamala: 2.3 లక్షల ఉద్యోగాలు ఖాళీ ఉంటే 10 వేలే భర్తీ చేస్తారా?: యనమల