కొన్ని గంటల్లో శుభకార్యం... అంతలోనే విషాదం

చిత్తూరు జిల్లా కురబలకోట మండలం అంగళ్లు సమీపంలోని చేనేతనగర్‌లో దారుణం జరిగింది. అభంశుభం తెలియని 6ఏళ్ల చిన్నారిని.. దుండగులు హత్యచేశారు. విగతజీవిగా పడి ఉన్న చిన్నారిని చూసి తల్లిదండ్రులు కన్నీటిపర్యంతమయ్యారు.

చిత్తూరు జిల్లా కురబలకోట మండల పరిధిలో దారుణం చోటు చేసుకుంది. బంధువుల పెళ్లి కోసం వచ్చిన ఓ కుటుంబానికి చెందిన చిన్నారి హత్యకు గురవడం.. తీరని విషాదం నింపింది. బి.కొత్తకోట మండలం గుట్టపాలేనికి చెందిన రైతు సిద్ధారెడ్డి.. బంధువుల పెళ్లి కోసం.. కుటుంబ సభ్యులతో కలిసి కురబలకోట వచ్చారు. అందరూ పెళ్లి మండపంలో ఉండగా.. గుర్తుతెలియని వ్యక్తులు సిద్ధారెడ్డి కుమార్తె వర్షిణిని అపహరించారు. గురువారం రాత్రి ఈ ఘటన జరిగింది. కాసేపటికి కూతురు కనిపించడం లేదని గుర్తించిన తల్లిదండ్రులు.. వెదుకులాట ప్రారంభించారు.

విగతజీవిగా చిన్నారి..