రాష్ట్రంలో పారదర్శకంగా ఇసుక విక్రయాలు జరిగేలా ప్రభుత్వం చర్యలు తీసుకుంటోంది. ఇసుక కొరత లేకుండా వినియోగదారులకు సులభంగా అందించేందుకు.. ఆన్లైన్, గ్రామ, వార్డు సచివాలయాల ద్వారా బుక్ చేసుకునే సదుపాయం కల్పించనున్నట్లు రాష్ట్ర భూగర్భ గనుల శాఖ ప్రిన్సిపల్ సెక్రటరీ గోపాలకృష్ణ ద్వివేదీ తెలిపారు. ఇసుక విషయంలో ముఖ్యమంత్రి కీలక నిర్ణయాలు తీసుకున్నట్లు తెలిపారు.
ప్రభుత్వ నిర్ణయాలివే..!
- ప్రభుత్వం నూతన ఇసుక పాలసీని ప్రకటించిన తర్వాత ఏపీఎండీసీ ద్వారా పారదర్శకతతో ఇసుక విక్రయాలు జరుగుతున్నాయి.
- నూతన విధానం ద్వారా వినియోగదారులకు ఎదురవుతున్న సమస్యలు గుర్తించి ఎప్పటికప్పుడు పరిష్కరించేలా చర్యలు.
- రీచ్లు, స్టాక్ పాయింట్లు, చెక్పోస్టుల్లో సీసీ కెమెరాలు ఏర్పాటు చేయడం సహా.. గనుల, రెవెన్యూ, రవాణాశాఖల ఆధ్వర్యంలో ఆకస్మిక తనిఖీల నిర్వహించడం. స్పెషల్ ఎన్ఫోర్స్మెంట్ బ్యూరో ద్వారా సోదాలు చేయడం.
- ఇసుక అక్రమ రవాణాకు పాల్పడితే రెండేళ్ల జైలుశిక్ష, రూ.2 లక్షల జరిమానా విధించేలా చట్టం.
- రాష్ట్రంలో వాగులు, వంకలతో పాటు చిన్న నీటిపాయల నుంచి ఇసుకను ఎడ్లబండ్ల ద్వారా స్థానికులు ఉచితంగా వాడుకునేందుకు వీలుగా ప్రభుత్వ ఆదేశాలు. ఇందుకోసం పంచాయతీ కార్యాలయంలో రిజిస్ట్రేషన్ చేయించుకోవాలి.
- గుర్తించిన వాటర్ స్ట్రీమ్ల నుంచి ఐదు కిలోమీటర్ల దూరంలోని గ్రామాల ప్రజలు ఇసుకను ఎడ్ల బండ్ల ద్వారా తీసుకెళ్లవచ్చు.
ప్రస్తుతం రోజుకు సగటున 1.25 లక్షల మెట్రిక్ టన్నుల ఇసుక తవ్వకాలు జరుగుతున్నాయని.. త్వరలోనే 3 లక్షల మెట్రిక్ టన్నులకు పెంచాలని లక్ష్యంగా పెట్టుకున్నట్లు గనుల శాఖ సెక్రటరీ ద్వివేదీ స్పష్టం చేశారు. పర్యావరణ నిబంధనల ప్రకారం నాణ్యమైన ఇసుక అందించే నదుల్లోని ఓపెన్ రీచ్ల్లో కూలీలతోనే ఇసుక తవ్వకాలు జరుపుతున్నామని అన్నారు. ఇకపై బల్క్ బుకింగ్లను జిల్లా జాయింట్ కలెక్టర్ల పర్యవేక్షణలోనే అనుమతించాలని సీఎం ఆదేశించినట్లు ద్విదేదీ చెప్పారు.
ఇదీ చూడండి..
