అమరావతి: రేపు 'జనరణభేరి' భారీ బహిరంగ సభ

రేపు 'జనరణభేరి' పేరిట భారీ బహిరంగసభ ఏర్పాటు చేస్తున్నట్లు అమరావతి పరిరక్షణ సమితి తెలిపింది. ఈ సభలో ప్రతిఒక్కరూ భాగస్వామ్యం కావాలని పిలుపునిచ్చింది.

అమరావతి ఉద్యమం మొదలై రేపటికి ఏడాది పూర్తవుతున్న సందర్భంగా... రాయపూడి వద్ద 'జనరణభేరి' పేరిట భారీ బహిరంగసభ ఏర్పాటు చేస్తున్నట్లు అమరావతి పరిరక్షణ సమితి ప్రకటించింది. రేపు ఉదయం 10 నుంచి మధ్యాహ్నం 2 వరకు జరిగే సభలో ప్రతిఒక్కరూ భాగస్వామ్యం కావాలని పిలుపునిచ్చింది.

ఒకే రాజధాని ఉండాలని ప్రజలంతా కోరుకుంటున్న వేళ.. మూడు రాజధానులకు మద్దతివ్వాలని సీఎం జగన్‌ అమిత్‌ షాను కోరడం శోచనీయమని ఐకాస నేత శివారెడ్డి అన్నారు. సీఎం జగన్​ ఇప్పటికైనా తన మొండి వైఖరి వీడాలన్నారు.

ఇదీ చదవండి: నమ్మి భూములిస్తే... నట్టేట ముంచుతారా?